Rig Veda · Chapter 1.097

apa naḥ śośucad agham agne śuśugdhy ā rayim |
apa naḥ śośucad agham ||

sukṣetriyā sugātuyā vasūyā ca yajāmahe |
apa naḥ śośucad agham ||

pra yad bhandiṣṭha eṣām prāsmākāsaś ca sūrayaḥ |
apa naḥ śośucad agham ||

pra yat te agne sūrayo jāyemahi pra te vayam |
apa naḥ śośucad agham ||

pra yad agneḥ sahasvato viśvato yanti bhānavaḥ |
apa naḥ śośucad agham ||

tvaṁ hi viśvatomukha viśvataḥ paribhūr asi |
apa naḥ śośucad agham ||

dviṣo no viśvatomukhāti nāveva pāraya |
apa naḥ śośucad agham ||

sa naḥ sindhum iva nāvayāti parṣā svastaye |
apa naḥ śośucad agham ||