ઋગ્વેદ · અધ્યાય 1.097
અપ નઃ શોશુચદ્ અઘમ્ અગ્ને શુશુગ્ધ્ય્ આ રયિમ્ ।
અપ નઃ શોશુચદ્ અઘમ્ ॥
સુક્ષેત્રિયા સુગાતુયા વસૂયા ચ યજામહે ।
અપ નઃ શોશુચદ્ અઘમ્ ॥
પ્ર યદ્ ભન્દિષ્ઠ એષામ્ પ્રાસ્માકાસશ્ ચ સૂરયઃ ।
અપ નઃ શોશુચદ્ અઘમ્ ॥
પ્ર યત્ તે અગ્ને સૂરયો જાયેમહિ પ્ર તે વયમ્ ।
અપ નઃ શોશુચદ્ અઘમ્ ॥
પ્ર યદ્ અગ્નેઃ સહસ્વતો વિશ્વતો યન્તિ ભાનવઃ ।
અપ નઃ શોશુચદ્ અઘમ્ ॥
ત્વં હિ વિશ્વતોમુખ વિશ્વતઃ પરિભૂર્ અસિ ।
અપ નઃ શોશુચદ્ અઘમ્ ॥
દ્વિષો નો વિશ્વતોમુખાતિ નાવેવ પારય ।
અપ નઃ શોશુચદ્ અઘમ્ ॥
સ નઃ સિન્ધુમ્ ઇવ નાવયાતિ પર્ષા સ્વસ્તયે ।
અપ નઃ શોશુચદ્ અઘમ્ ॥
મૂળ પાઠ: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0