Revākhāṇḍa (revised text) · Chapter 91
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe jalaśāyitīrthamāhātmyavarṇanaṃ nāma navatitamo 'dhyāyaḥ ||
RKV adhyāya 91
śrīmārkaṇḍeya uvāca:
tato gacchenmahīpāla tīrthaparamapāvanam /
caṇḍādityaṃ nṛpaśreṣṭha sthāpitaṃ caṇḍamuṇḍayoḥ
āstāṃ purā mahādaityau caṇḍamuṇḍau sudāruṇau /
narmadātīramāśritya ceratur vipulaṃ tapaḥ
dhyāyantau bhāskaraṃ devaṃ tamonāśaṃ jagattraye /
tuṣṭastattapasā devaḥ sahasrāṃśuruvāca ha
sādhu sādhviti tau pārtha narmadāyāḥ śubhe taṭe /
varaṃ prārthayataṃ vīrau yatheṣṭaṃ cetasecchitam
caṇḍamuṇḍāvūcatuḥ /
ajeyau sarvadevānāṃ bhūyāsvāvāṃ samāhitau /
sarvarogaiḥ parityaktau sarvakālaṃ divākara
evamastviti tau prāha bhāskaro vāritaskaraḥ /
ityuktvāntardadhe bhānurdaityābhyāṃ tatra bhāskaraḥ
sthāpitaḥ parayā bhaktyā taṃ gacchedātmasiddhaye /
gīrvāṇāṃśca manuṣyāṃśca pitḥṃs tatrāpi tarpayet
sa vased bhāskare loke viriñcidivasaṃ nṛpa /
ghṛtena bodhayeddīpaṃ ṣaṣṭhyāṃ sa ca nareśvara /
mucyate sarvapāpaistu pratiyāti puraṃ raveḥ
utpattiṃ caṇḍabhānoryaḥ śṛṇoti bharatarṣabha /
vijayī sa sadā nūnamādhivyādhivivarjitaḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0