Revākhāṇḍa (revised text) · Chapter 89
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kapileśvaratīrthamāhātmyavarṇanaṃ nāmāṣṭāśītitamo 'dhyāyaḥ ||
RKV adhyāya 89
śrīmārkaṇḍeya uvāca:
tato gacchettu rājendra pūtikeśvaramuttamam /
narmadādakṣiṇe kūle sarvapāpakṣayaṃkaram
sthāpitaṃ jāmbuvantena lokānāṃ tu hitārthinā /
rājā prasenajinnāma tasyāṃ vakṣasthalān maṇau
samutkṣipte tu tenaiva sapūtirabhavadvraṇaḥ /
tatra tīrthe tapastaptvā nirvraṇaḥ samajāyata
tena tatsthāpitaṃ liṅgaṃ pūtikeśvaramuttamam /
yastatra manujo bhaktyā snāyādbharatasattama
sarvānkāmānavāpnoti sampūjya parameśvaram /
kṛṣṇāṣṭamyāṃ caturdaśyāṃ sarvakālaṃ narādhipa /
ye 'rcayanti sadā devaṃ te na yānti yamālayam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0