Revākhāṇḍa (revised text) · Chapter 210
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe bhārabhūtitīrthamāhātmyavarṇanaṃ nāma navādhikadviśatatamo 'dhyāyaḥ ||
RKV adhyāya 210
śrīmārkaṇḍeya uvāca:
tasyaivānantaraṃ tāta puṅkhilaṃ tīrthamuttamam /
tatra tīrthe purā puṅkhaḥ pārtha siddhimupāgataḥ
jāmadagnyo mahātejāḥ kṣatriyāntakaraḥ prabhuḥ /
tapaḥ kṛtvā suvipulaṃ narmadottaratīrabhāk
tataḥ prabhṛti vikhyātaṃ puṅkhatīrthaṃ nareśvara /
tatra tīrthe tu yaḥ snātvā hyārādhya parameśvaram
ihaloke balairyuktaḥ pare mokṣamavāpnuyāt /
devānpitḥn samabhyarcya pitḥṇām anṛṇī bhavet
tatra tīrthe naro yastu prāṇatyāgaṃ karoti vai /
anivartikā gatis tasya rudralokād asaṃśayam
tatra tīrthe naraḥ snātvā hayamedhaphalaṃ labhet
tatra tīrthe naro yastu brāhmaṇān bhojayen nṛpa /
ekasmin bhojite vipre koṭirbhavati bhojitā
tatra tīrthe tu yaḥ kaścit pūjayed vṛṣabhadhvajam /
vājapeyasya yajñasya phalaṃ prāpnotyasaṃśayam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0