Revākhāṇḍa (revised text) · Chapter 203
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śikhitīrthamāhātmyavarṇanaṃ nāma dvyadhikadviśatatamo 'dhyāyaḥ ||
RKV adhyāya 203
śrīmārkaṇḍeya uvāca:
tato gaccheddharādhīśa koṭitīrthamanuttamam /
yatra siddhā mahābhāgāḥ koṭisaṃkhyā maharṣayaḥ
tapaḥ kṛtvā suvipulamṛṣibhiḥ sthāpitaḥ śivaḥ /
tathā koṭīśvarī devī cāmuṇḍā mahiṣārdinī
kṛṣṇapakṣe caturdaśyāṃ māsi bhādrapade nṛpa /
tīrthakoṭīḥ samāhūya munibhiḥ sthāpitaḥ śivaḥ
tasyāṃ tithau ca hastarkṣaṃ sarvapāpapraṇāśanam /
tatra tīrthe tadā gatvā snānaṃ kṛtvā samāhitaḥ
narakād uddharaty āśu puruṣānekaviṃśatim /
tilodakapradānena kimuta śrāddhado naraḥ
snānaṃ dānaṃ japo homaḥ svādhyāyo devatārcanam /
tasya tīrthasya yogena sarvaṃ koṭiguṇaṃ bhavet
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0