Revākhāṇḍa (revised text) · Chapter 202
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe devatīrthamāhātmyavarṇanaṃ nāmaikottaradviśatatamo 'dhyāyaḥ ||
RKV adhyāya 202
mārkaṇḍeya uvāca:
tasyaivānantaraṃ cānyacchikhitīrthamanuttamam /
pradhānaṃ sarvatīrthānāṃ pañcāyatanamuttamam
tatra tīrthe tapastaptvā śikhārthaṃ havyavāhanaḥ /
śikhāṃ prāpya śikhī bhūtvā śikhākhyaṃ sthāpayañchivam
pratipacchuklapakṣe yā bhavedāśvayuje nṛpa /
tadā tīrthavare gatvā snātvā vai narmadājale
devān ṛṣīn pitḥṃścānyāṃs tarpayet tilavāriṇā /
hiraṇyaṃ brāhmaṇe dadyāt saṃtarpya ca hutāśanam
gandhamālyais tathā dhūpais tataḥ sampūjayecchivam /
anena vidhinābhyarcya śikhitīrthe maheśvaram
vimānenārkavarṇena hyapsarogaṇasaṃvṛtaḥ /
gīyamānastu gandharvair rudralokaṃ sa gacchati
śatrukṣayamavāpnoti tejasvī jāyate bhuvi
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0