રેવાખાણ્ડ (સંશોધિત પાઠ) · અધ્યાય 203

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શિખિતીર્થમાહાત્મ્યવર્ણનં નામ દ્વ્યધિકદ્વિશતતમો ઽધ્યાયઃ ॥
ર્ક્વ્ અધ્યાય 203
શ્રીમાર્કણ્ડેય ઉવાચ:
તતો ગચ્છેદ્ધરાધીશ કોટિતીર્થમનુત્તમમ્ ।
યત્ર સિદ્ધા મહાભાગાઃ કોટિસંખ્યા મહર્ષયઃ

તપઃ કૃત્વા સુવિપુલમૃષિભિઃ સ્થાપિતઃ શિવઃ ।
તથા કોટીશ્વરી દેવી ચામુણ્ડા મહિષાર્દિની

કૃષ્ણપક્ષે ચતુર્દશ્યાં માસિ ભાદ્રપદે નૃપ ।
તીર્થકોટીઃ સમાહૂય મુનિભિઃ સ્થાપિતઃ શિવઃ

તસ્યાં તિથૌ ચ હસ્તર્ક્ષં સર્વપાપપ્રણાશનમ્ ।
તત્ર તીર્થે તદા ગત્વા સ્નાનં કૃત્વા સમાહિતઃ

નરકાદ્ ઉદ્ધરત્ય્ આશુ પુરુષાનેકવિંશતિમ્ ।
તિલોદકપ્રદાનેન કિમુત શ્રાદ્ધદો નરઃ

સ્નાનં દાનં જપો હોમઃ સ્વાધ્યાયો દેવતાર્ચનમ્ ।
તસ્ય તીર્થસ્ય યોગેન સર્વં કોટિગુણં ભવેત્