Revākhāṇḍa (revised text) · Chapter 201
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sāvitrītīrthamāhātmyavarṇanaṃ nāma dviśatatamo 'dhyāyaḥ ||
RKV adhyāya 201
śrīmārkaṇḍeya uvāca:
tato gacchen mahīpāla devatīrthamanuttamam /
yatra siddhā mahābhāgā devāḥ sendrā yudhiṣṭhira
snānaṃ dānaṃ japo homaḥ svādhyāyo devatārcanam /
tatra tīrthaprabhāvena kṛtamānantyamaśnute
viśeṣādbhādrapade tu kṛṣṇapakṣe trayodaśīm /
pradhānaṃ sarvatīrthānāṃ devairadhyāsitaṃ purā
snātvā trayodaśīdine śrāddhaṃ kṛtvā vidhānataḥ /
devaiḥ saṃsthāpitaṃ devaṃ sampūjya vṛṣabhadhvajam /
sarvapāpavinirmukto rudralokamavāpnuyāt
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0