Revākhāṇḍa (revised text) · Chapter 196
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śrīpatimāhātmyavarṇanaṃ nāma pañcanavatyuttaraśatatamo 'dhyāyaḥ ||
RKV adhyāya 196
śrīmārkaṇḍeya uvāca:
tato gacched dharādhīśa haṃsatīrthamanuttamam /
yatra haṃsastapastaptvā brahmavāhanatāṃ gataḥ
haṃsatīrthe naraḥ snātvā dānaṃ dattvā ca kāñcanam /
sarvapāpavinirmukto brahmalokaṃ sa gacchati
haṃsayuktena yānena taruṇādityavarcasā /
sarvakāmasamṛddhena sevyamāno 'psarogaṇaiḥ
tatra bhuktvā yathākāmaṃ sarvān bhogān yathepsitān /
jātismaro hi jāyeta punarmānuṣyam āgataḥ
saṃnyāsena tyajed dehaṃ mokṣam āpnoti bhārata
etatte kathitaṃ pārtha haṃsatīrthasya yatphalam /
sarvapāpaharaṃ puṇyaṃ sarvaduḥkhavināśanam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0