Revākhāṇḍa (revised text) · Chapter 166
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe siddheśvaratīrthamāhātmyavarṇanaṃ nāma pañcaṣaṣṭyuttaraśatatamo 'dhyāyaḥ ||
RKV adhyāya 166
mārkaṇḍeya uvāca:
tataḥ siddheśvarī devī vaiṣṇavī pāpanāśinī /
ānandaṃ paramaṃ prāptā dṛṣṭvā sthānaṃ suśobhanam
tatra tīrthe naraḥ snātvā pūjayet pitṛdevatāḥ /
devīṃ paśyati yo bhaktyā mucyate sarvapātakaiḥ
mṛtavatsā tu yā nārī vandhyā strījananī tathā /
putraṃ sā labhate nārī śīlavantaṃ guṇānvitam
tatra tīrthe tu yaḥ snātvā paśyeddevīṃ subhaktitaḥ /
aṣṭamyāṃ vā caturdaśyāṃ sarvakāle 'thavā nṛpa
saṅgame tu tataḥ snātā nārī vā puruṣo 'pi vā /
putraṃ dhanaṃ tathā devī dadāti paritoṣitā
gotrarakṣāṃ prakurute dṛṣṭā devī supūjitā /
prajāṃ ca pāti satataṃ pūjyamānā na saṃśayaḥ
navamyāṃ ca mahārāja snātvā devīmupoṣitaḥ /
pūjayet parayā bhaktyā śraddhāpūtena cetasā
sa gacchet paramaṃ lokaṃ yaḥ surairapi durlabhaḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0