Revākhāṇḍa (revised text) · Chapter 165
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sāṃvaureśvaratīrthamāhātmyavarṇanaṃ nāma catuḥṣaṣṭyuttaraśatatamo 'dhyāyaḥ ||
RKV adhyāya 165
śrīmārkaṇḍeya uvāca:
narmadādakṣiṇe kūle siddheśvaramiti śrutam /
tīrthaṃ paraṃ mahārāja siddhaiḥ kṛtamiti prabho
tatra tīrthaṃ mahāpuṇyaṃ sarvatīrtheṣu pāvanam /
narmadāyā mahārāja dakṣiṇaṃ kūlamāśritam
tatra tīrthe naraḥ snātvā tarpayet pitṛdevatāḥ /
śrāddhaṃ tatraiva yo dadyāt pitḥn uddiśya bhārata
tṛpyanti pitarastasya dvādaśābdānna saṃśayaḥ /
tatra tīrthe tu yo bhaktyā snātvā pūjayate śivam
rātrau jāgaraṇaṃ kṛtvā paṭhetpaurāṇikīṃ kathām /
tataḥ prabhāte vimale snānaṃ kuryādyathāvidhi
vīkṣate girijākāntaṃ sa gacchet paramāṃ gatim /
purā siddhā mahābhāgāḥ kapilādyā maharṣayaḥ
japantaśca paraṃ brahma yogasiddhā mahāvratāḥ /
siddhiṃ te paramāṃ prāptā narmadāyāḥ prabhāvataḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0