Revākhāṇḍa (revised text) · Chapter 110
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe senāpure cakratīrthamāhātmyavarṇanaṃ nāma navottaraśatatamo 'dhyāyaḥ ||
RKV adhyāya 110
śrīmārkaṇḍeya uvāca:
dhautapāpaṃ tato gacchen mahāpātakanāśanam /
samīpe cakratīrthasya viṣṇunā nirmitaṃ purā
nihatair dānavair ghorair devadevo janārdanaḥ /
tatpāpasya vināśārthaṃ dānavāntodbhavasya ca
tatra tīrthe jitakrodhaścacāra vipulaṃ tapaḥ /
duścaraṃ maunamāsthāya hyaśakyaṃ devadānavaiḥ
snātvā dattvā dvijātibhyo dānāni vividhāni ca /
tatkṣaṇāt supāpas tu gatastadvaiṣṇavaṃ padam
evaṃ yuktastu yastatra pāpaṃ kṛtvā sudāruṇam /
snātvā japtvā vidhānena mucyate sarvapātakaiḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0