Revākhāṇḍa (revised text) · Chapter 102
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe saṃkarṣaṇatīrthamāhātmyavarṇanaṃ nāmaikādhikaśatatamo 'dhyāyaḥ ||
RKV adhyāya 102
mārkaṇḍeya uvāca:
manmatheśaṃ tato gacchet sarvadevanamaskṛtam /
snānamātrānnaro rājanyamalokaṃ na paśyati
anapatyā yā ca nārī snāyād vai pāṇḍunandana /
putraṃ sā labhate pārtha satyasaṅghaṃ dṛḍhavratam
tatra snātvā naro rājañchuciḥ prayatamānasaḥ /
upoṣya rajanīmekāṃ gosahasraphalaṃ labhet
kāmikaṃ tīrtharājaṃ tu tādṛśaṃ na bhaviṣyati /
trirātraṃ kurute rājansa golakṣaphalaṃ labhet
tatra nṛtyaṃ prakartavyaṃ tuṣyate parameśvaraḥ /
gītavāditranirghoṣai rātrau jāgaraṇena ca
eraṇḍyāṃ ca mahādevo dṛṣṭo me manmatheśvaraḥ /
kiṃ samartho yamo ruṣṭo bhadro bhadrāṇi paśyati
kāmena sthāpitaḥ śambhuretasmāt kāmado nṛpa /
sopānaḥ svargamārgasya pṛthivyāṃ manmatheśvaraḥ
viśeṣaścātra sandhyāyāṃ śrāddhadāne ca bhārata /
annadānena rājendra kīrtitaṃ phalamuttamam
etatte sarvamākhyātaṃ tava bhaktyā tu bhārata /
pṛthivyāṃ sāgarāntāyāṃ prakhyāto manmatheśvaraḥ
godānaṃ pāṇḍavaśreṣṭha trayodaśyāṃ prakārayet /
caitre māsi site pakṣe tatra gatvā jitendriyaḥ
rātrau jāgaraṇaṃ kṛtvā devasyāgre nṛpottama /
dīpaṃ bhaktyā ghṛtenaiva devasyāgre nivedayet
stryatha vā puruṣo vāpi samametatphalaṃ smṛtam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0