રેવાખાણ્ડ (સંશોધિત પાઠ) · અધ્યાય 102

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે સંકર્ષણતીર્થમાહાત્મ્યવર્ણનં નામૈકાધિકશતતમો ઽધ્યાયઃ ॥
ર્ક્વ્ અધ્યાય 102
માર્કણ્ડેય ઉવાચ:
મન્મથેશં તતો ગચ્છેત્ સર્વદેવનમસ્કૃતમ્ ।
સ્નાનમાત્રાન્નરો રાજન્યમલોકં ન પશ્યતિ

અનપત્યા યા ચ નારી સ્નાયાદ્ વૈ પાણ્ડુનન્દન ।
પુત્રં સા લભતે પાર્થ સત્યસઙ્ઘં દૃઢવ્રતમ્

તત્ર સ્નાત્વા નરો રાજઞ્છુચિઃ પ્રયતમાનસઃ ।
ઉપોષ્ય રજનીમેકાં ગોસહસ્રફલં લભેત્

કામિકં તીર્થરાજં તુ તાદૃશં ન ભવિષ્યતિ ।
ત્રિરાત્રં કુરુતે રાજન્સ ગોલક્ષફલં લભેત્

તત્ર નૃત્યં પ્રકર્તવ્યં તુષ્યતે પરમેશ્વરઃ ।
ગીતવાદિત્રનિર્ઘોષૈ રાત્રૌ જાગરણેન ચ

એરણ્ડ્યાં ચ મહાદેવો દૃષ્ટો મે મન્મથેશ્વરઃ ।
કિં સમર્થો યમો રુષ્ટો ભદ્રો ભદ્રાણિ પશ્યતિ

કામેન સ્થાપિતઃ શમ્ભુરેતસ્માત્ કામદો નૃપ ।
સોપાનઃ સ્વર્ગમાર્ગસ્ય પૃથિવ્યાં મન્મથેશ્વરઃ

વિશેષશ્ચાત્ર સન્ધ્યાયાં શ્રાદ્ધદાને ચ ભારત ।
અન્નદાનેન રાજેન્દ્ર કીર્તિતં ફલમુત્તમમ્

એતત્તે સર્વમાખ્યાતં તવ ભક્ત્યા તુ ભારત ।
પૃથિવ્યાં સાગરાન્તાયાં પ્રખ્યાતો મન્મથેશ્વરઃ

ગોદાનં પાણ્ડવશ્રેષ્ઠ ત્રયોદશ્યાં પ્રકારયેત્ ।
ચૈત્રે માસિ સિતે પક્ષે તત્ર ગત્વા જિતેન્દ્રિયઃ

રાત્રૌ જાગરણં કૃત્વા દેવસ્યાગ્રે નૃપોત્તમ ।
દીપં ભક્ત્યા ઘૃતેનૈવ દેવસ્યાગ્રે નિવેદયેત્

સ્ત્ર્યથ વા પુરુષો વાપિ સમમેતત્ફલં સ્મૃતમ્