Pramāṇavārttikaṭīkā · Chapter 8

/ .ādi / kiṃ kāraṇam ity āha / aśvetyādi / aśve sthita ātmā yasya dravyatvasyeti vigrahaḥ / gamakatvād vyadhikaraṇasyāpi bahubrīhiḥ / aśve sthita iti vā sādhanaṃ kṛteti samāsaḥ / paścād ātmaśabdena dvipado bahuvrīhiḥ / ///
v1 /// ttyā ca / yathoktalakṣaṇasya dravyatvasya pratītyā tathety aśva iti / na tu dravyatvena saṃbandhāt* gaur dravyam ity evaṃpratyayaḥ syāt* / sa ca pareṇeṣṭa eva na tv aśva iti / na hi dravyatvanimitto 'śvapratyayaḥ / kiṃ tv aśvatvanimittaḥ / tac cāśvatvaṃ gavi nāsti / sajātīyāsv eva vyaktiṣu sarvadā sarvākārasthitātmatābhyupagamanāt* / ayam . .. .. /

/ viṣaye dravyatvaṃ vartata itīṣyate / tataś cāśvabuddhiviṣayadravyavṛttidharmakena tena bhāvyaṃ tac cāśvabuddhiviṣayadravyavṛttisvabhāvaṃ dravyatvaṃ yena svabhāvenāśve vartate tenaiva gavādāv api / tathā ca gor apy aśvabuddhiviṣayatā prāptānyathā dravyatvasyāśvabuddhiviṣayadravyavṛttitvaṃ svabhāvo na syāt* / na caikasya dvau svabhāvau yenāśve 'nya .. /

/ .. .. .. .. vyatvamātraṃ dṛśyam aśvabuddhiviṣayadravyavṛttisvabhāvaṃ sad api na dṛśyate tato nāsti gor aśva iti pratītir ity ata āha / tasya ceti sāmānyasya ekasyety anaṃśasya gṛhītasyāpi bhrāntyānavadhāraṇam ity api mithyā niścayātmake parapratyakṣe vṛtter ayogād yathoktaṃ prāk* / tasmād ityādinopasaṃhāraḥ / anavayavaṃ sāmānyaṃ a .. /

/ .. tāṃ na pratipadyate iyatā ca na cāṃśavad ity etad vyākhyātaṃ / jahāti pūrvaṃ nādhāram ity etat pūrvam ityādinā vyācaṣṭe / sa ceti pūrvādhāratyāgaḥ / sāmānyasya nābimataḥ / anyatreti pūrvavyaktau vartamānasya sāmānyasya svasmāt pūrvādhāradeśād acalatas tataḥ pūrvādhāradeśād anyatra sthāne janma yasya dravyasya tasmin vṛ .. /

/ .. pi sāmānyaṃ tato 'nyadeśaṃ dravyaṃ prāpnoti ced āha / yatretyādi / yatra deśe asau paścātkālabhāvī vartate tena deśena sāmānyaṃ na saṃbadhyate / pūrvasthānaparityāgānabhyupagamāt* / yatra deśe sāmānyaṃ na vartate taddeśinaṃ ca paścātkālabhāvinaṃ bhāvaṃ prāpnoti nyāyātikrāntatvāt kim apy etan mahādbhūtam iti prak. /

/ .. .. .. .. .. m adhyavasātum* / sarvagatatva .. panām api nirācikīrṣur āha / yasyetyādi / tasyāpi sarvagatasāmānyavādinaḥ sarvatragā yadi jātis tadā ekatra śābaleyādau yā tasya vyaktiḥ prakāśanā tayā vyaktā karaṇabhūtayā / sā jātiḥ sarvatra vyaktiśūnye deśe vijātīye ca vyaktibhede vyaktaiva prakā .i /

/ .. kācid vyaktir iti niṣiddh. .. .. vṛttir ādheyatā / vyaktir iti / tasmin na yujyata ity itrānatare / yata evaṃ tasmāt sā jātir nityam anapekṣitaparopakārānādheyātiśayatvād evaṃbhūtā yadi svabhāvena svavijñānajananayogyā / tadā nityaṃ dṛśyeta vyakteḥ prāk* paścāc ca / atha na yogyā tadā na vā .. /