Pramāṇavārttikaṭīkā · Chapter 1

A Pramāṇavārttikaṭīkā
r1 /// .. daḥ ayaṃ ca vikalpabuddhyāropitatvād asamīkṣitatatvārthḥ / anapekṣitas tatvārtho vastvartho yeneti vigrahaḥ / yathā loke buddhyārūḍho 'py adhyavasitatadbhāvatayā pratīyate / taṃ dharmādivibhāgaṃ tatheti lokapratītivat* / sādhyasādhanasaṃsthitir vidvadbhir avakalpyata iti saṃbandhaḥ / kim arthaṃ para /

/ .. ya / kiṃ punaḥ kāraṇam ekatvādivyavahārasya vastuny asaṃbhava ity ata āha / saṃsṛjyanta ityādi pāramārthikāḥ arthāḥ svato na saṃsṛyante tato na sāmānyavyavahāro vastuni / na bhidyante kṛtakatvādibhir dharmaiḥ pratyekaṃ tasya vastuno 'nekatvāyogāt* ataś ca teṣv artheṣu bahuṣu rūpam ekaṃ / ekasmin vārthe 'nekaṃ rūpaṃ yad adhyavasīyate tad buddher vika /

/ .. nte / na bhidyante pāramārthikā arthās tataḥ kāraṇāt* / sāmānyam idaṃ bahūnāṃ / tathā dharmāṇāṃ dharmiṇāṃ ca bheda ity api yo 'yaṃ bhedo nānātvavyavahāraḥ / sa bauddhe 'rthe na bāhye svalakṣaṇe buddhipratibhāsasyālīkatvāt kathaṃ tatra kṛtakatvādidharmabheda iti ced āha / tasyaiva cetyādi / buddhipratibhāsasyaiva etad uktaṃ bhavati bāhyenaikatvādhyavasāyā /

/ thā taddarśanāyāto 'pi vikalpapratibhāso 'dhyavasīyata iti / ata evāha prakalpyata iti / yathā pratyakṣeṇa vastusvalakṣaṇam eva gṛhyate tathā sādhanānumitenānityatvādinā sādhyadharmeṇa viśiṣṭaṃ svalakṣaṇam eva kasmān na gṛhyata ity āha sādhyetyādi / idaṃ sādhyam idaṃ sādhanam ity asmin saṃkalpe vastudarśanahānitaḥ kutaḥ sva /