Prakāśasaṃhitā · Chapter 2.5

iti śrī prakāśasaṃhitāyāṃ dvitīyaparicchede caturtho 'dhyāyaḥ
śrībhagavānuvāca
rasātaledhasthāddānavāḥ śatakoṭiśaḥ /
daityāśca yātudhānāśca paulomāḥ kālakeyakāḥ

nivātākavacādhīrāḥ rākṣasāśca surāṇakāḥ /
piśācā antyajāsṛkyāḥ mahākumati(mudi)no jarāḥ

vasanti cakrabhayato hareḥ sarvabhayādapi /
ye kecittātvikāstatra saṃvasanti surarṣabhāḥ

pratimanvantareṣvete varṣesmin bhāratekhilāḥ /
harīrasurasadvipragoyoṣidaparāśramān

dūṣayitvā pātayitvā kecit pūrṇānyathādhiyaḥ /
nitye vasanti narake hatā haryādi daiḥdvagddha

nityaduḥsādhanābhūyo rasātalamupāśritāḥ /
bhūmau bhūtvā brahmarudravarairloko(kā)pakāriṇaḥ

sarvāvatārai rāmeṇa kṛṣṇenāpi hatāḥ khilāḥ /
vasanti nityanarake kālādyāsyanti vai tamaḥ

tasmin hi saramānāmnī śunī brahmavarodbhavā /
sadārtān bhīṣayanti daityān yamasya vaśavartinī

kṣīṇāyuṣastatradaityāḥ svapne dṛṣṭvā sudarśanam /
mṛtāyāsyanti narakaṃ tadvaṃśyā(syā)nāṃ sa āśrayaḥ(maḥ)

tadadhastāttu pātāle uttare diśi bhāsure /
sahasravadanaḥ śeṣaḥ sarvaistātvikapannagaiḥ

samasta nāgakanyābhiḥ pūjito ratnamaṇḍape /
dhyāyannārāyaṇaṃ devaṃ sadāvasati sāmaraḥ

sahasrabhānubhādīpyatkirīṭāvalimaṇḍitaḥ /
sampūrṇaśāradaśaśichavikoṭyadhikadyutiḥ

nityāmṛtasravacchubhraphaṇāmaṇḍalamaṇḍitaḥ /
sadaikakuṇḍalo bhāsvan musalaḥ sahalaḥ prabhuḥ

bhānuprabhāmuṇmūrdhanyamaṇiśrīhṛtasarvaruk /
hāranūpuravalayakaṅkaṇāṅgulikādibhiḥ

anekamaṇisadbhāsva(tkaṭi)tkirīṭasūtrādikaḥ prabhuḥ /
surāsurakirīṭastharatnāchāditapādukaḥ

gandhamālyādisurabhidhyāyannāste virāṭsvayam /
pātāladakṣiṇe bhāge saṃya(mya)minyāṃ puraḥ prabhuḥ

śyāmalāvallabho daṇḍadharo mahiṣavāhanaḥ /
samavartī yamaḥ pretapatiḥ nīlāñjanādriruk

sarvābharaṇasampannaḥ dharmarāṭ rāmacintakaḥ /
bhānuputroścātracitracitraguptau sulekhakau

yasyājñāyā bhāratotthapuṇyapāpacayasya tu /
tatra dharmaḥ pravaktāraḥ tattanmanvantarasthitāḥ

ṛṣayaḥ sarvadevopadevāstatparicārakāḥ /
ūrdhvakeśā virūpākṣāḥ nīlavarṇabhayaṅkarāḥ

tadājñākāriṇāstasya kiṅkarāḥ pāśapāṇayaḥ /
niṣṭhurāḥ nirghṛṇāḥ krūrāḥ mahāparighapāṇayaḥ

bhāratāt pāpino badhvāhyānīyante yamāntikam /
daśalakṣamatāste tu ghorāstāḍanabharjanaiḥ

ghorādhvāne kṛṣantyete nitarāṃ kṛtapāpinaḥ /
sa tānabhyagatān dṛṣṭvā yamadaṇḍaṃ paretarāṭ

teṣāṃ mūrdhni sthāpayati yātanā dehināṃ tadā /
puṇyapāpāni te sarve kīrtayanti kṛtāni ca

tatra tatvātmikāḥsarve satyamityavadan sthitāḥ /
patreṣu tāni(ḷḥi) likhitānyapi te prapaṭhanti ca

sukhaduḥkhātmakaphalaṃ vadanti ṛṣisattamāḥ /
daśalakṣamitāsteṣāṃ yamadūtāstu nārake

pātayitvā tāḍayanti yathā pāpānusārataḥ /
viṃśallakṣamitāstatra(sya) sadā rogābhimāninaḥ

te vātapittaśleṣmādyāḥ sannipātajvarādayaḥ /
bhagandarātisārāśca vamanārucidurvraṇāḥ

hemapīnasabādharyaddhṛ(hṛ)drogādyāstadantike /
vasanti pāpaphaladāḥ kvaciddehakṣayaṅkarāḥ

śvāhivṛścikadaṃśāṃśī viṣadurvṛkarūpakāḥ /
viṃśallakṣāstu narake patitānāṃ prabādhakāḥ

pātāle saṃvasantyete narakā bahurūpakāḥ /
durgatirnirayaścaiva mahārauravarauravau

saṃghātakālasūtrākhyovarcākhyāmanirodhanam /
tailayantrastaptatailo giripātāyasālayau

sūcyagnibhūrinirghātau vakrakaṇṭakadānavau /
śvabhojanavratapanau karkaśālimukholbaṇau

pūyāsṛṅmūtraviṣṭāśāḥ taptāstroparirambhaṇāḥ /
kālakūṭāgniśakalau sarvaśastrāstrapātanau

prāṇarodhamahābhārau krūrāśīviṣavṛścikau /
sarvāṅgachedātmamāṃsau taptavṛkṣābhipātanau

śūlārohāpakarṣā dvau durgandhā rākṣasādanaḥ /
bāṇāghāto vaitaraṇī śaṅkamūlakarālakau

pipīlikā jalūkādau gṛdhrakaṅkādi bhojane /
āvartanāsphālanau dvau śilāyantraśilādanau

karṇavastu pupūrṇār(ṇo) ca dvāra(prakṣe)kṣepaṇabandhanau /
śṛṅkalā taptasikatā sphuliṅgāścāvadhūlayaḥ

śiramarmagranthikūṭajalanīrodhanādayaḥ /
santyevāṣṭottaraśatanarakāḥ pātakālayāḥ

anityanarakā ete tāmiśrandhatāmiśrakau /
nityau dvau narakau tatra gatāyānti tamaḥ kramāt

adho lokeṣu ye devāḥ sarvamanvantareṣvapi /
proktavyāpāraniratāḥ nāmāntaravivarjitāḥ

ayogyānāmihaproktanāmarūpāṇi sarvaśaḥ /
ihaiva pūrvamanuṣu(ṣṭu) data evājña(mya)nāmakāḥ

ete manulaye sarvetyaktvā sthūlāni sūkṣmataḥ /
svaprājñavaśagā yānti maharlokaṃ tadatyaye

prāpyasthūlāni ṛṣibhiḥ svapūrvaṃ pātike(prāntike) kramāt