Prakāśasaṃhitā · Chapter 2.1

iti śrī prakāśasaṃhitāyāṃ prathamaparicchede pañcadaśo 'dhyāyaḥ sampūrṇaḥ
śrī kṛṣṇārpaṇamastu
===============================================================================
dvitīyaparicchedaḥ
atha prathamo 'dhyāyaḥ
śrīhaṃsa uvāca
kañjasthitaḥ svayaṃ brahmā nāpaśyat sarvagaṃ harim /
yatnavānapi tatpūrvamanasītthamacintayat

bhāvarūpājñānamāninyapi durgājagadguroḥ /
nityānugrahapātratvāt putra(ucca)tvācca ramā mama

svopāsanāratatvācca nājñānaṃ bhāvarūpakam /
icchatisma saliṅgasyānādyavidyāyutasya ca

svakīyasyendireṣanme hyabhiprāyaṃ śivādayaḥ /
aviditvānyathābrūyuḥ durgājñānapradaiva sā

na samarthājñānadāne vidherityasurāśrayāḥ /
ityajñāvākyairmā(turme 'yaśasaḥ kāraṇaṃ vacaḥ

mehyayaśaḥ kāraṇaṃ na ca
tatrāhaṃ saṃmato mātuḥ kīrtyarthaṃ prārthayāmi tām /
durgāmiti tathā cakre tenādātsasya saṃśayam

datvājñānaṃ kṣaṇārdhantu svabharturbhaktimātanot /
bhayaśokau ca tenāsāvajñobhīto babhūva hā

tadajñanaṃ bhāvarūpaṃ caturvāraṃ harerbhayam /
śoko dvivāraṃ ramayā prārthito jagadīśvaraḥ

dadāvalocanābhāva daśāyāṃ niyamaḥ kṛtaḥ /
vṛtyajñānasya bahuśaḥ sambhavādbrahmaṇopi tu

saṃkhyāviśeṣasyoktatvāt bhāvājñānaṃ vadanti tat /
tatastvitthaṃ saṃśayobhūt trivāraṃ padmajanmanaḥ

svataḥ padmamidaṃ jātaṃ kiṃpuṃsānyena kenacit /
iti sañcintya puṃsyaiva jātaṃ naiva jaḍasya tat

svataḥ pravṛttirghaṭate jñānecchāderabhāvataḥ /
ahaṃ padmena vā jātaḥ matsṛṣṭiḥ puruṣeṇa vā

iti saṃścitya matsṛṣṭiḥ puruṣeṇai no vā /
iti niścitya sa pumān svatantro vāsvatantrakaḥ

iti sañcintyāsvatantraḥ kathaṃ māṃ sraṣṭumarhati /
tasmāt svatantrājjātohaṃ taṃ pasyāṃ punarutthitaḥ (paśyeyaṃ)

iti nālaṃ praviśyāntaḥ nāpaśyat punarutthitaḥ /
kañjastha āsa tajjñānaṃ viparītamajasya hi

bahirnadṛṣṭaḥ sa kathamantardṛṣṭi pa(ka)thaṃ vrajet /
tataḥ pracaṇḍavātotthādbhūmirmajjalakampitāt

padmāt patanniva mahābhayagrastho babhūva ha /
tadā kṣaṇārdhaṃ śokobhūdbrahmaṇaḥ parameṣṭhinaḥ

sṛṣṭvā kālaṃ mahākālaṃ māninaṃ vidhimātanot /
kālāvāsāne tvāsanne taṅgraniṣyati cādadat

āsyaṃ nṛsihmastu tadā bhayaśokānvito bhavat /
atraiva tatkāraṇena bhāvājñānayuto bhavet

nānyatra duḥkhājñānādyaṃ ya(ma)duktaṃ tanmṛṣaiva hi /
tatastapatapa iti viṣṇoreva vaco śṛṇot

tato dhyānaṃ jagaddhātuḥ kṛtvā paśyat sasarvagam /
brahmā dadarśa vaikuṇṭhaṃ harerlokaṃ mahādbhutam

pūrvoktāśeṣasumahāviśeṣārthaguṇonnatam /
dṛṣṭvā tuṣṭāva natveśaṃ kṛtārthobhūt sakañjajaḥ

sarvādhipatyaṃ tasyādāt sarvajñatvaṃ vikuṇṭhapaḥ /
tadvaśobhūt svatantropi bhagavān bhaktavatsalaḥ

dvisaptamanubhogārhakālaṃ dhāturaho vyadhāt /
yathā tathā rātrikālaṃ vyabhajadbhagavān vibhuḥ

tatrādyarātribhāge tu sāṅgaṃbrahmāṇḍamātanot /
tatrāṇḍanāmako viṣṇuḥ praviśyāntaḥ samedhayat

rātridvitīyabhāge tu padmanābhasya nābhitaḥ /
saṃsṛṣṭasyānyabhāgena lokapadmaṃ vyadhāddhariḥ

padmāgragaṃ ca brahmāṇaṃ tadajñānabhayādikam /
tacchāntiṃ tasya tadbhaktyudrekaṃ tasya tapasthitim

tasminpūrṇānugrahaṃ ca kṛtavān harirūrjitam /
rātri tṛtīyabhāge tu vaikuṇṭhamatisundaram

sasarja tallokapatirajasyādarśayaddhariḥ /
sa dṛṣṭvā taṃ vidadhyau muktāmukteśvaraṃ harim

caturthāṃśe niśāyāṃśca virāṭsṛṣṭiṃ dadarśa ha /
dṛṣṭvā dvisaptalokeṣu virāṭdehasthitān surān

sūkṣmadehasthān pūrvamanirūddhāt sasūkṣmakān /
tathājastatra tatraiva sthūladehayutān vyadhāt

aṇḍanirmāṇakāle tu hyasaṃsṛṣṭāni sarvaśaḥ /
tatvānyādāya saṃyojya tatridhāvyabhajaddhariḥ

aṇḍaṃ tadāditaścakre dvītīyenābjamātanot /
tṛtīyaṃ tu tridhābhitvā punarekaikaśāstridhā

devopadevamartyānāṃ sthūlānyādaistribhirvyadhāt /
dvitīyāṃśaistribhisthūlānyāsurāṇāṃ śrī harīcchayā