Phaladeepika · Chapter p27

pravrajyā yoga
grahaiścaturbhiḥ sahite khanothe
trikoṇagaiḥ kendragataistu muktaḥ |
lagne gṛhānte sati saumyabhāge
kendre gurau koṇagate ca muktaḥ

ekarkṣasaṃsthaiścaturādikaistu
grahairvadettatra balānvitena |
pravrajyakāṃ tatra vadanti kecit
karmeśatulyāṃ sahite khanāthe

śaśī dṛgāṇe ravijasya saṃsthitaḥ
kujārkidṛṣṭaḥ prakaroti tāpasam |
kujāṃśake vā ravijena dṛṣto
navāṃśatulyāṃ kathayanti tāṃ punaḥ

janmādhipaḥ sūryasutena dṛṣṭaḥ
śeṣairadṛṣtaḥ puruṣasya sūtau |
ātmīyadīkṣāṃ kurute hyavaśyaṃ
pūrvoktamatrāpi vicāraṇīyam

yogīśaṃ dīkṣita vā kalayati taraṇistīrthapānthaṃ himāṃśu-
rdurmantrajñaṃ ca baudhāśryamavanīsuto jño matānyapraviṣṭam |
vedāntajñāninaṃ vā yativaramamareḍyo bhṛguliṅgavṛtta
vrātya śailūṣavṛttiṃ śaniriha patitaṃ vā'tha pāṣaṇḍinaṃ vā

atiśayabalayuktaḥ śītaguḥ śuklapakṣe
balavirahitamena prekṣate lagnanāthaḥ |
yadi bhavati tapasvī duḥkhitaḥ śokatapto
dhanajanaparihīnaḥ kṛcchralabdhānnapānaḥ

prakathitamuniyoge rājayogo yadi syā-
daśubhaphalavipākaṃ sarvamunmūlya paścāt |
janayati pṛthivīśaṃ dīkṣitaṃ sādhuśīlaṃ
praṇatanṛpahirobhiḥ spṛṣṭapādābjayugmam

catvāro dyucarāḥ khanāthasahitāḥ kendre trikoṇe'thavā
susthāne balinastrayo yadi tadā sanyāsasiddhirbhavet
sabdbāhulyavaśācca tatra suśubhasthānasthitaistairvadet
pravrajyāṃ mahitāṃ satāmbhimatāṃ cedanyathā ninditām