Phaladeepika · Chapter p22

gocaraphala
sarveṣu lagneṣvapi satsu candra-
lagnaṃ pradhānaṃ khalu gocareṣu |
tasmāttadṛkṣādapi vartamān-
grahendracāraiḥ kathayetphalāni

sūryaḥ ṣaṭtridaśasthitastridaśaṣaṭsaptādyagaścandramāḥ
jīvastvastatapodvipaṃcamagato vakrārkajau ṣaṭtrigau |
saumyaḥ ṣaṭsvacaturdaśāṣṭamagataḥ sarve'pyupāntasthitāḥ
śukraḥ khāstaripūnvihāya śubhadastigmāṃśuvadbhoginau

lābhavikramakhaśatraṣu sthitaḥ
śobhano nigadito divākaraḥ |
khecaraiḥ sutatapojalāntyagaiḥ
vyārkibhiryadi na viddhyate tadā

dyūnajanmaripulābhakhatrigaḥ
candramāḥ śubhaphalapradaḥ sadā |
svātmajāntyamṛtibandhudharmagai
vidhdyate na vibudhairyadi grahaih

vikramāyaripugaḥ kujaḥ śubhaḥ
syāttadāntyasutadharmagaiḥ khagaiḥ |
cenna viddha inasūnurapyasau
kintu dharmadhṛṇanā na vidhdyate

svāmbuśatrumṛtikhāyagaḥ śubho
jñastadā na khalu vidhdyate sadā |
svālmajatritapa ādyanaidhana
prāptigaivibudhubhiryadi grahaiḥ

svāyadharmatanayāstasaṃsthito nākanāyakapurohitaḥ śubhaḥ |
riḥpharandhrakhajalatrigairyadā vidhdyate gaganacāribhirna hi

āsutāṣṭamatapovyayāyago viddha āsphujidaśobhanaḥ smṛtaḥ |
naidhanāstatanukarmadharmadhīlābhavarisahajasthakhecaraiḥ

janmanyāyāsadātā kṣapayati vibhavān krodharogādhvadātā
vittabhraṃśaṃ dvitīye diśati na sukhado pañcanāmāgrahaṃ ca |
sthānaprāptiṃ tṛtīye dhananicayamudākalyakṛccārihantā
rogāṇ datte caturthe janayati ca muhuḥ sragdharābhogavighnam

vittakṣobhaṃ sutastho vitarati bahuśo rogamohādidātā
ṣaṣṭhe'rko hanti rogān kṣapayati ca ripūñchokamohānpramāṣṭiṃ |
ādhvānaṃ saptamastho jaṭharagudabhayaṃ dainyabhāvaṃ ca tasmai
ruktrāsāvaṣṭamasthaḥ kalayati kalahaṃ rājabhītiṃ ca tāpam

āpaddainyaṃ tapasi virahaṃ cittaceṣṭānirodhaṃ
prāptonyugrāṃ daśamagṛhage karmasiddhiṃ dineśe |
sthānaṃ mānaṃ vibhavamapi caikādaśe roganāśaṃ
kleśaṃ vittakṣayamapi suhṛdvairamantye jvaraṃ ca

krameṇa bhāgyodayamarthahātiṃ jayaṃ ślokamarogatāṃ ca |
sukhānyaniṣṭaṃ gadamiṣṭasiddhiṃ modaṃ vyayaṃ ca pradadāti candraḥ

antaḥ śokaṃ svajanavirahaṃ raktapittoṣṇarogaṃ
lagne vitte bhayamapi girāṃ doṣamarthakṣayaṃ ca |
dhaire bhaumo janayati jayaṃ svarṇabhūṣaṃpramodaṃ
sthānabhraṃśaṃ rujamudarajāṃ bandhuduḥkhaṃ caturthe

jvaramanucitacintāṃ putrahetuvyathāṃ vā
kalayati kalahaṃsvaiḥ pañcame bhūmiputraḥ |
ripukalahanivṛttiṃ rogaśāntiṃ ca ṣaṣṭhe
vijayamatha dhanāptiṃ sarvakāryānukūlyam

kalatrakalahākṣirugjaṭhararogakṛtsaptame
jvarakṣatajarūkṣito vigatavittamāno'ṣṭame |
kuje navamasaṃsthite paribhavo'rthanāśādibhi-
vilambitagatirbhavatyabaladehadhātukṣayaiḥ

duśceṣṭā vā karmavighnaḥ śramaḥ khe
dravyārogyakṣetravṛddhiśca lābhe |
bhaumaḥ kheṭo gocare dvādaśastho
dravyacchedastāpa uṣṇāmayādyaiḥ

vittakṣayaṃ śriyamarātibhayaṃ dhanāptiṃ
bhāryāptanūjakalahaṃ yijayaṃ virodham |
putrārthalābhamatha vighnamaśeṣasaukhyaṃ
puṣṭiṃ parābhavabhayaṃ prakaroti cāndriḥ

jīve janmani deśanirgamanamapyarthacyutiṃ śatrutāṃ
prāpnoti draviṇaṃ kuṭumbasukhamapyarthe svavācāṃ phalam |
duścikye sthitināśamiṣṭaviyutiṃ kāryāntarāyaṃ rujaṃ
duḥkhairbandhujanodbhavaiśca hibuke dainyaṃ catuṣpādbhayam

putrotpattimupaiti sajjanayutiṃ rājāmukūlyaṃ sute
ṣaṣṭhe mantriṇi pīḍayanti ripavaḥ svajñātayo vyādhayaḥ |
yātrāṃ śobhanahetave vanitayā saukhyaṃ sutāptiṃ smare
mārgakleśamariṣṭamaṣṭamagate naṣṭaṃ dhanaiḥ kaṣṭatām

bhāgye jīve sarvasaubhāgyasiddhiḥ
karmaṇyarthāsthanaputrādipiḍā
lābhe putrasthānamānadilābho
riḥphe duḥkhaṃ sādhvasaṃ dravyahetoḥ

akhilaviṣayabhogaṃ vittasiddhiṃ vibhūtiṃ
sukhasuhṛdabhivṛddhiṃ putralabdhiṃ vipattim |
diśati yuvatipīḍāṃ sampadaṃ vā sukhāptiṃ
kalahamabhayamarthaprāptimindrārimantrī

rogāśaucakriyāptiṃ dhanasutavihatiṃ sthānabhṛtyārthalābhaṃ
strībandhvarthapraṇāśaṃ draviṇasutamatipracyutiṃ sarvasaukhyam |
strīrogādhvāvabhītiṃ svasutapaśusuhṛdbittanāśāmayātiṃ
janmāderaṣṭamāntaṃ diśati padavaśenārkasūnuḥ krameṇa

dāridhraṃ dharmavighnaṃ pitṛsamavilayaṃ nityaduḥkhaṃ śubhasthe
durvyāpārapravṛttiṃ kalayati daśame mānabhaṅgaṃ rujaṃ vā |
saukhyānyekādaśastho bahuvidhavibhavaprāptimutkṛṣṭakīrtiṃ
viśrānti vyarthakāryādvisuhṛtimaribhiḥ strīsutavyādhimantye

dehakṣayaṃ vittavināśasaukhye
duḥkhārthanāśau sukhanāśamṛtyūn |
hāniṃ ca lābhaṃ subhagaṃ vyayaṃ ca
kuryattamo janmagṛhātkrameṇa

kṣititanayapataṅgau rāśipūrvatribhāge
surapatiguruśukrau rāśimadhyatribhāge|
tuhinakiraṇamandau rāśipāścātyabhāge
śaśitanayabhujaṅgau pākadau sārvakālam

nakṣatragocaram
rekhāh saptasamālikheduparigāstiryaktathaiva kramā-
dīśādagnibhamādito'pi gaṇayedādityabhasyāvadhi |
vedhā janmādine mṛtirbhayamathādhānākhyanakṣatrake
karmaṇyarthavināśaṃ khalu ravirdadyātsapāpo mṛtim

evaṃ viddhe khacaraiḥ krararanyairmaraṇam |
saumyairviddhe na mṛtividyādevaṃ sakalaṃ

ādhanakarmarkṣavipannijarkṣe
vaināśike pratyarabhe vadhākhye
pāpagraho mṛtyubhayaṃ vidadhyā
dvedhetathā kāryaharaḥ śubhākhye

ādityasaṅkrāntidine grahāṇaṃ
praveśane vā grahaṇe ca yuddhe |
ulkānipāte ca tathādbhute ca
janmatrayaṃ syānmaraṇādiduḥkham

asatphalaḥ saumyanirīkṣito yaḥ
śubhapradaścāpyaśubhekṣitaśca |
dvau niṣphalau dvāvapi khecarendrau
yaḥ śatruṇā svena vilokitaśca

aniṣṭabhāvasthitakhecarendraḥ
svoccasvagehopagato yadi syāt |
na doṣakṛccottamabhāvagaścet
pūrṇaṃ phalaṃ yacchati gocareṣu

graheśvarārute śubhagocarasthā
nīcārimauḍhyaṃ samupāśritāśret |
te niṣphalāḥ kintvaśubhāṅkasaṃsthāḥ
kaṣṭaṃ phalaṃ saṃvidadhatyanalpam

dvādaśāṣṭamajanmasthāḥ śanyarkāṅgārakā guruḥ |
kurvanti prāṇasandehaṃ sthānabhraṃśaṃ dhanakṣayam

cadrāṣṭame ca dharaṇītanayaḥ kalatre
rāhuḥ śubhe kavirarau ca gurustṛtīye |
arkaḥ sute'rkirudaye ca budhaścaturthe
mānārthahānimaraṇāni vadedviśeṣāt

aṅgagrahāḥ
vaktre kṣmā mūrghni catvāryurasi ca caturaḥ savyahaste catuṣkaṃ
pāde ṣaḍvāmahaste caturatha nayane dvau ca guhye dvayaṃ ca |
bhānurnāśaṃ vibhutiṃ vijayamatha dhanaṃ nirdhanaṃ dehapīḍāṃ
lābhaṃ mṛtyuṃ ca cakre janayati vividhān janmabhāddehasaṃsthaḥ

śītāṃśorvadane dvayoratibhayaṃ kṣemaṃśirasyambudhau
pṛṣṭhe śatrujayaṃ dvayornayanayornetre dhanaṃ janmabhāt |
pañcasvātmasukhaṃ hṛdi triṣu kare vāme virodhaṃ kramāt
pādau ṣaṭsu videśatāṃ janayati triṣvarthalābhaṃ kare

vaktre dve maraṇaṃ karotyavanijaḥ ṣaṭ pādayovigrahaṃ
kroḍe trīṇi jayaṃ caturvidhanatāṃ vāme kare mastake |
dve lābhaṃ caturānane'dhikabhayaṃ kṣemaṃkare dakṣiṇe
vārddhirdve nayane videśagamanaṃ cakre svajanmarkṣataḥ

mūghniṃ trīṇi mukhe trayaṃ ca karayoḥ ṣaṭ pañca kukṣau tathā
liṅge dve dvicatuṣṭayaṃ caraṇayoḥ prāpte'marendrāciṃtaḥ |
śokaṃ lābhamanarthamarthanicayaṃ nāśaṃ pratiṣṭhāṃ tathā
dadyādātmadināttathaiva bhṛgujastadvadbudho'pi kramāt

bhūvedavahniguṇavedaśarāgnetra-
dastraṃ ca vaktrakarapādapadeṣu haste |
kukṣau ca mūrghni nayanadvayapṛṣṭhobhāge
nyasya krameṇa śanisaṃyutabhānnijarkṣāt

duḥkhaṃ ca saukhyaṃ gamanaṃ ca nāśaṃ
lābhaṃ svabhogaṃ sukhasaukhyamṛtyūn |
vaktrakramādāha phalāni manda-
syaivaṃ tamaḥkhecarayorvadantu

yatrāṣṭavarge'dhikabindavaḥ syu-
statra sthito gocarato grahendraḥ |
tadvatphalaṃ prāha śubhaṃ vyayāri-
randhrasthito vā'pi śubhaṃ viddhatte

ravedvadiśanakṣatraṃ bhūsutasya tṛtīyakam |
guroḥ ṣaṭtārakaṃ caiva śaneraṣṭamatārakam

eteṣāṃ ca purolattā pṛṣṭholattaḥ prakīrttitāḥ |
śukrasya pañcamaṃ tāraṃ candrajasya tu saptamam

rāhostu navama caiva dvāviṃśaṃ bhaṃ himadyuteḥ |
grahasthitarkṣādgaṇayellattāyāṃ janmabhe vyathā

raveḥ sarvārthahāniḥ syāttamasorduḥkhamucyate |
maraṇaṃ jīvalattāyāṃ bandhunāśo bhayāvahaḥ

śukrasya kalaho bhraṃśa anarthaḥ śaśijasya tu |
candrasya tu mahāhānirlattāmātraphalaṃ bhavet

sarvatra lattāsāṅkarye dviguṇatriguṇādikam |
vadeddoṣaphalaṃ nṝṇāṃ grahāllattādhikakramāt

sarvato bhadra cakrokta śubhavedhāḥ śubhāvahāḥ |
pāpavedhā duḥkhatarā gocaretāśca cittayet