Phaladeepika · Chapter p21

antardaśāphala
bhāveśvareṇa prabalena yena yadyatphalaṃ hīnabalena yena |
yadānubhoktavyamananyasamyaksaṃsūcayiṣyatyatha saṃgraheṇa

lagne baliṣṭhe jagati prabhutvaṃ sukhasthiti dehabalaṃ suvarcaḥ |
uparyuparyabhyudayābhivṛddhiṃ prāpnoti bālenduvadeṣa jātaḥ

pāke'rthanāthasya kuṭumbasiddhiṃ
satputrikāptiṃ sukhabhojanaṃ ca |
prāpnoti vāgjīvikayā dhanāni
vaktā saduktiṃ sadasi praśastām

śaurye savīrye sahajānukūlyaṃ
saṇtoṣavātaśrivaṇaṃ ca śauryaṃ |
senāpatitvaṃ labhate'bhimānaṃ
janāśrayaṃ sadguṇabhājanatvam

bandhūpakāraṃ kṛṣakarmasiddhiṃ strīsaṅghamaṃ vāhanalābhameti |
kṣetraṃ gṛhaṃ nūtanumarthasiddhiṃ sthānaṃpraśastaṃ ca sukheśdāye

putraprāptiṃ bandhuvilāsaṃ nṛpatīnāṃ
sācivyaṃ vā dhīśadaśāyāṃ bahumānam |
prājyairbhojyairmṛṣṭamihāśnāti dadāti
śreyaskāryaṃ sajjanaśastaṃ sa vidadhyāt

ripūnnihanti sāhasairarīśvarasya vatsare |
arogatānudāratāmadhṛṣyatāmatiśriyam

sampādya vastrābharaṇāni śayyāṃ
prīto ramaṇyā ramate'tivīryaḥ |
karoti kalyāṇamahotsavādīn
santoṣayātrāṃ ca madeśadāye

ṛṇavimocanamucchratimātmanaḥ
kalahakṛtyanivṛttimupaiti saḥ |
mahiṣapaśvajabhṛtyajanāgamaṃ
vayasi randhrapaterbalaśālinaḥ

strīputrapautraiḥ sahabandhuvargai-
rbhāgyaṃśriyaṃ cānubhavatyajastram |
śreyāṃsi kāryāṇyavanīśapūjāṃ
bhāgyeśadāye vijadevabhaktim

yatkāryamārabdhamupaityanena
tasyaiva siddhiṃ sukhajīvanaṃ ca |
kīrtiṃ pratiṣṭhāṃ kuśalapravṛttiṃ
mānonnatiṃ karmapaterdaśāyām

eśvaryamavyāhatamiṣṭabandhu-
samāgamaṃ bhṛtyajanāṃśca dāsān |
saṃsārasaubhāgyamahodayaṃ ca
labheta lābhādhipaterdāśāyām

vyayeśiturvayasyativyayaṃ karoti sajjane |
aghaughanāśinīṃ śubhakriyāṃ mahīśamānyatām

vakragasya nijatuṅgasuhṛt-
susthānagasya daśāphalamevam |
śatrunīcagṛhamauḍhyaṣaḍantya-
chidragasya tu phalānyapi vakṣye

duḥsthelagnapatau nirodhanamupaityajñātavāsaṃ bhayaṃ
vyādhyādhīnaparakriyābhigamanaṃ sthānacyutiṃ cāpadam |
jāḍyaṃ saṃsadi vākkuṭumbacalanaṃ duṣpatrikāṃ dṛgrujaṃ
vāgdoṣaṃ draviṇavyayaṃ nṛpabhayaṃ duḥsthe dvitīyādhipe

duścikyādhipatau sahodaramṛtiṃ kārye durālocanā-
mantaḥśatru nipīḍanaṃ paribhavaṃ tadgarvabhaṅga vadet |
mātṛkleśamariṣṭamiṣṭhasuhṛdāṃ kṣetragṛhopaplutiṃ
paśvaśvādivināśanaṃ jalabhayaṃ pātālanāthe'bale

vīryone pratibhāpatau sutamṛtirbuddhibhramaṃ pañcanā-
madhvānaṃ hyudarāmayaṃ narapateḥ kopaṃ svaśaktikṣayam |
corādbhītimanarthatāṃ ca damanaṃ rogān bahūnduṣkṛtiṃ
bhṛtyatvaṃ labhate'vamānamayaśaḥ ṣaṣṭheśadāye vraṇam

jāmāturvyasanaṃ kalatravirahaṃ strīhetvanarthāgamaṃ
dyūneśe vibalinyasatyabhiratiṃ guhyāmayaṃ cāṭanam |
randhreśāyuṣi śokamohamadamātsaryādimūrcchocchritiṃ
dāridryaṃ bhramaṇaṃ vadedapayaśovyādhīnavajñāṃ mṛtim

pūrvopāsitadevakopamaśubhaṃ jāyātanūjāpadaṃ
dauṣkṛtyaṃ svaguroḥ pituśca nidhanaṃ dainyaṃ śubhe durbale |
yadyatkarma karoti tattadaphalaṃ syānmānabhaṅgo nabho-
bhāve durguṇatāṃ pravāsamaśubhaṃ durvṛttamāpannatām

śravaṇamaśubhavācāṃ bhratṛkaṣṭaṃ sutātiṃ
bhavapavayasi dainyaṃ vañcanaṃ karṇarogam |
bahurujamapamānaṃ bandhanaṃ sarvasampat-
kṣayamaparaśaśīvā'yāti riḥpheśadāye

maṃjñāyāṃ yadagācca kārakavidhiślokeṣu yajjalpitaṃ
karmājīvanirūpitaṃ phalamidaṃ yadrogaciratāvidhau |
yadyasyokṣaṇayogasaṃbhavaphalaṃ bhāveśayogodbhavaṃ
bhāveśairapi bhāvagairapi phalaṃ vācyaṃ daśāyāmiha

vargottamāṃśasthadaśā śubhapradā
miśraiva sā cāstamite ca nīcage |
mṛtyuvyayārīśadaśāpahārayo-
statra sthitasyāpyaśubhaṃ phalaṃ bhavet

krūragrahasyaiva daśāpahāre
tripañcasaptarkṣapatevipāke |
tathaiva janmāṣṭamanāthabhuktau
corāripīḍāṃ labhate'tiduḥkham

śaneścaturthī ca gurostu ṣaṣṭhī
daśā kujāhyoryadi pa~camī sā |
kaṣṭa bhavedrāśyavasānabhāga-
sthitasya duḥsthānapatestathaiva

urdhvāsyatuṅgabhavanasthitabhūmijasya
karmāyagasya hi daśā vidadhāti rājyam |
jitvā ripūnvipulavāhanasainyayuktāṃ
rājyaśriyaṃ vitanute'dhikamannadānam

svoccasthito bhṛgusuto vyayakarmago vā
lābhe'pi vā'starahito na ca pāpayuktaḥ |
tasyābdapākasamaye bahuratnapūrṇo
dhīmānviśālavibhavo jayati praśastaḥ

nīcāriṣaṣṭhavyayasaṃśritā hi
śubhāḥ prayacchantyaśubhāni sarve |
śubhetarāstveṣu gatāḥ prayaccha-
ntyamoghaduḥkhāni daśāsu teṣam

daśeśatrorarigehabhājo
lagneśaśatrorapi vā'tha bhuktau |
śatrorbhayaṃ sthānalayaḥ tadāsya
snigdhopi śatrutvamupaiti nūnam

yadbhāvagaḥ pākapatirdaśeśāt-
tadbhāvajātāni phalāni kuryāt |
vipakṣariḥphāṣṭamabhāvagaśced-
duḥkhaṃ vidadhyāditaratra saukhyam

svoccatrikoṇasvahitārinīce
pūrṇaṃ tripādārddhapadālpaśūnyam |
kramācchubhaṃ cedaśubhaṃ vilomāṭ
mūḍhe grahe nīcasamaṃ phalaṃ syāt

mandamāndyagukhareśarandhrapāḥ-
tannavāṃśapatayo'pi ye grahāḥ |
teṣu durbaladaśā mṛtipradā
kaṣṭabhe carati sūryanandane

mṛtīśanāthasthitabhāṃśakeśayoḥ
kharatribhāgeśvarayorbalīyasaḥ |
daśāgame mṛtyuyuktabhāṃśaka-
trikoṇage devagurau tanukṣayaḥ

catuṣṭayasthā gurujanmalagnapā
bhavanti madhye vayasaḥ sukhapradāḥ |
krameṇa pṛṣṭhobhayamastakodaya-
sthito'ntyamadhyaprathameṣu pākadaḥ

yadbhāvago gocarato vilagnāt-
daśeśvaraḥ svoccasuhṛdgṛhasthaḥ |
tadbhāvapuṣṭiṃ kurute tadānīṃ
balānvitaścejjanane'pi tasya

balonito janmani pākanātho
mauḍhyaṃ svanīcaṃ ripumandiraṃ vā |
prāptaśca yadbhāvamupaiti cārāt-
tadbhāvanāśaṃ kurute tadānīm

daśeśasya tuṅge suhṛdbhe daśeśāt
triṣatkarmalābhatrikoṇāstabheṣu |
yadā cāragatyā samāyāti candraḥ
hubhaṃ saṃvidhatte'nyathā cedariṣṭam

pākaprabhurgocarataḥ svanīcaṃ
mauḍhyaṃ yadāyāti vipakṣabhaṃ vā |
kaṣṭaṃ vidadhyātsvagṛhaṃ svatuṅgaṃ
vakraṃ gataḥ saukhyaphalaṃ tadānīm

pākeśasya śubhapradasya bhavanaṃ tuṅgaṃ prapanne yadā
sūrye tatphalasiddhimeti guruṇāpyevaṃ phalaṃ cintayet |
nīcaṃ kaṣṭaphalapradasya ca daśānāthasya vairisthalaṃ
prāpte bhāsvati gocareṇa labhate tasyaiva kaṣṭaṃ phalam

yena graheṇa sahito bhujagādhinātha-
statkheṭajātaguṇadoṣaphalāni kuryāt |
sarpānvitaḥ sa tu khagaḥ śubhado'pi kaṣṭaṃ
duḥkhaṃ daśāntyasamaye kurute viśeṣāt

dvāvarthakāmāviha mārakākhyau
tadīśvarastatra gato balāḍhyaḥ |
hanti svapāke nidhaneśvaro vā
vyayeśvaro va'pyatidurbalaścet

kendreśasya sato'sato.śubhaśubhau kuryāddaśā koṇapāḥ
sarve śobhanadāstrivairibhavapā yadyapyanarthapradāḥ |
randhreśo'pi vilagnapo yadi śubhaṃ kuryādravirvā śaśī
yadyevaṃ śubhadaḥ parāśaramataṃ tattaddaśāyāṃ phalam

koṇādhīśaḥ kendragaḥ kendrapo vā
koṇasthaśced dvau ca yogapradau staḥ |
dvāvapyetau bhuktikāle daśāyā-
manyonyaṃ tau yogadau sopakārau

na diśeyurgrahāḥ sarve svadaśāsu svabhuktiṣu |
bhavāśubhaphalaṃ nṝṇāmātmabhāvānurūpataḥ

ātmasambandhino ye ca ye ye nijasardhāmiṇaḥ |
teṣāmantardāsveva diśanti svadaśāphalam

kendratrikoṇanetārau doṣayuktāvapi svayam |
sambandhumātrādbalinau bhavetāṃ yogakārako

trikoṇādhipayormadhye sambandho yena kenacit |
kendranāthasya balino bhavedyadi sa yogakṛt

kendratrikoṇādhipayoraikye tau yogakārakau |
anyatrikoṇapatinā saṃbandho yadi kiṃ punaḥ

yogakārakasambandhātpāpino'pi grahāḥ svataḥ |
tattadbhuktyānusāreṇa diśeyuryaugikaṃ phalam

svadaśāyāṃ trikoṇeśo śuktau kendrapateḥ śubham |
diśetso'pi tathā no cedasaṃbandhe'pi pāpakṛt

kendrādhipatyadoṣastu balavān guruśukrayoḥ |
mārakatve'pi ca tayormārakasthānasaṃsthitiḥ

budhastadanu caṃdro'pi bhavettdanu tadvidhaḥ |
pāpāścetkendrapatayaḥ śubhadāścottarottaram

yadi kendre trikoṇe vā nivasetāṃ tamograhau |
nāthenānyatarasyaiva saṃbandhādyogakārakau

tamograhau śubhārūḍhau'saṃbaddhau yena kenacit |
antardaśānurūpeṇa bhavetāṃ yogakārakau

ārambho rājayogasya bhavenmārakabhuktiṣu |
prathayanti tamārabhya kramaśaḥ pāpabhuktayaḥ

randhrastharandhrekṣakarandhranātha-
randhratribhāgādhipamāndibheśāḥ |
duḥkhapradāsteṣvapi durbalo yaḥ
sa nāśakārī svadaśāpahāre

bhraṣṭhasya tuṅgādavarohisaṃjñā
madhyā bhavetsā suhṛduccabhāge |
ārohiṇī nimnaparicyutasya
nīcāribhāṃśeṣvadhamā bhavetsā

śastagṛhe śastāṃśe nīce ripubhe'stasaṃsthite vā'pi |
tasya daśā miśraphalā daśāparārdhe phalapradā jñeyā

tattadbhāvātvyayathasya tadbhāvavyayapasya ca |
vīryahīnasya kheṭasya pāke mṛtyumavāpnuyāt

daśāpatirlagnagato yadi syāt
triṣaṭdaśaikādaśagaśca lagnāt |
tatsaptavarge'pyatha tatsuhṛdvā
lagne śubho vā śubhadā daśā syāt

yāvanti varṣaṇi daśā ca sā syāt-
cārakramāttatra daśāpatiḥ saḥ |
yatra sthitastadbhavanādvidhostu
sthiteḥ prakalpyaṃ sadasatphalaṃ hi

daśādhināthasya suhṛdgṛhastha-
staduccago vā'tha daśādhināthāt |
smaratrikoṇopacayopagaśca
dadāti candraḥ khalu satphalāni

ukteṣu rāśiṣu gatasya vidhoḥ sa rāśiḥ
syājjanmakālabhavamūrtidhanādibhāvaḥ |
tattadvivṛdhikṛdasau kathito narāṇāṃ
tadbhāvahānikṛdathetararāśisaṃsthaḥ

sārāvalīmuḍudaśāṃ ca varāhahorā-
mālokya jātakaphalaṃ pravadennarāṇām |
praśnodayagrahavaśādatha vā svajanma-
rāśyādinā vadatu nāstyanayorviśeṣaḥ