ફલદીપિકા · અધ્યાય p12

પ્રષ્ટકવર્ગ
ગોચરગ્રહવશાન્મનુજાનાં યચ્છુભાશુભફલામ્યુપલબ્ધ્યૈ ।
અષ્ટવર્ગ ઇતિ યો મહદુક્તસ્તત્પ્રસાધનમિહાભિદધેઽહમ્

આલિખ્ય સમ્યગ્ભુવિ રાશિચક્રં ગ્રહસ્થિતિં તજ્જનનપ્રવૃત્તમ્ ।
તત્તદ્ગ્રહર્ક્ષાત્ક્રમશોઽષ્તવર્ગં પ્રોક્તં કરોત્યક્ષવિધાનમત્ર

પુત્રીવંસાહિધનિકેઽર્કકુજાર્કજેભ્યો
મુક્તાવ્વકે સુરગુરોર્ભૃગુજાત્તથાશ્રીઃ ।
જ્ઞાદ્ગોમતીધનપરા રવિરિષ્ટદોબ્જાત્-
ગીતોન્નયેપ્યુદયભાલ્લઘુતાન્નપાત્રે

ગીતાસૌ જનકે રવેઃ કલિતસાન્નિષ્કે તુષારદ્યુતેઃ
ભૌમાછ્રીગુણિતે ધનસ્ય યુગવન્માસાબ્દનિત્યે બુધાત્ ।
નીવાત્કૌરવસજ્જનસ્ય ભૃગુજાદ્ગૂઢાત્મસિદ્ધાજ્ઞયા
મન્દાદ્વાણચયે તનીર્ગતિનયે ચન્દ્રઃ શુભો ગોચરે

તીક્ષ્ણાંશોર્ગણિતાનકે શિશિરગોર્લાક્ષાય ભૂમેઃ સુતાત્
પુત્રીવાસજનાય ચન્દ્રતનયાદ્ગોમેતકે ગીષ્પતેઃ ।
તન્નાકારિ સિતાત્તદા કુરુશનેઃ કોવાસદાધેનુકો
લગ્નાત્સ્વાત્કલિતં નયેત્ ક્ષિતિસુતઃ ક્ષેમપ્રદો ગોચરે

સૌમ્યાદ્યોગશતં ધનૈઃ કુરુરવેર્મોષાધિકશ્રીર્ગુરોઃ
તેજો યત્ર યમારયોઃ પુરવસન્દિગ્ધેનયે ભાર્ગવાત્ ।
પુત્રો ગર્ભમહાન્ધકે પરભૃતાં દાનાય લગ્નાત્સુધા-
મૂર્તેઃ પ્રાવૃષિ જાનકી શશિસુતસ્ત્વત્ર સ્થિતશ્ચેચ્છુભઃ

માર્તાન્ડાત્કરલાભસજ્જધનિકે ચન્દ્રાદ્રુમેસાલિકે
ભૌમાત્કિં પ્રભુસૂદનાય કુરવઃ શિક્ષાધનાઢ્યે બુધાત્ ।
પુત્રી ગર્ભસદાનકે સુરગુરોઃ સ્વલ્લક્ષ્મિચન્દ્રે શનેઃ
શ્રીમન્તો ધનિકાઃ સિતાત્કરિવિશેષે સિદ્ધિનિત્યં તનોઃ

જાત્યાં શ્રીસ્તુ રવેર્વિધોઃ પુરગવામન્દોલ્લિપુત્રે તનોઃ
પૌરે લાભમદાલિકે કુરુલવં મોહે ધનેઢ્યે ભૃગોઃ ।
લોભસ્તાલ્લિપરે કુજાદ્રવિસુતાન્ગર્ભં મહાબ્ધૌ નયે
જ્ઞાલક્ષ્મીચુલ્લકે ગુરોર્મદધતાઢ્યોઽસૌ ભૃગુઃ સૌખ્યદઃ

રવેર્યાત્રાવીથીજનય શશિનો લક્ષય શનેઃ
ગુણેસ્તુત્યો ભૌમાદ્ગણિતનિકરોઽસૌ શુભકરઃ ।
શતાકારે જીવાત્તદધનપરે જ્ઞાદુદયભાત્
કલાભૂતાનમ્યે ભૃગુજ ચયખે સૂર્યતનયઃ

ઇતિ નિગદિતમિષ્ટં નેષ્ટમન્યદ્વિશેષા-
દલિકફલવિપાકં જન્મિનાં તત્ર દદ્યુઃ ।
ઉપચયગૃહમિત્રસ્વોચ્ચગૈઃ પુષ્ટમિષ્ટં
ત્વપચયગૃહનીચારાતિગૈર્નેષ્ટસમ્પત્

કૃવાષ્ટવર્ગ દ્યુસદાં ક્રિયાદિ-
ષ્વક્ષૈર્વિંહીને મૃતિરેકબિન્દોઃ ।
નાશો વ્યયો ભીતિભયાર્થનારી-
શ્રીરાજ્યસિદ્ધિઃ ક્રમશઃ ફલાનિ

તત્તદ્ગ્રહાધિષ્ઠિતસર્વરાશીં-
સ્તત્સંજ્ઞિતં લગ્નમિતિ પ્રકલ્પ્ય ।
તેભ્યઃ ફલાન્યષ્ટવિધાન્યભૂવં-
સ્તત્તદ્ગૃહાદ્ભા વવશાદ્વદન્તુ

તત્તદ્ગ્રહર્ક્ષાશકતુલ્યભાંશ
સ્થિતા ગ્રહાશ્ચારવશાદિદાનીમ્ ।
તથૈવ તદ્ભાવસમુત્થિતાનિ
ફલાનિ કુર્વન્તિ શુભાશુભાનિ

કૃતેઽષ્તવર્ગે સતિ કારકર્ક્ષાત્-
યદ્ભાવમુક્તાઙ્કમુપૈતિ ખેટઃ ।
તદ્ભાવપુષ્ટિં સશુભોઽશુભો વા
કરોત્યનુક્તે વિપરીતમેવ

એકત્ર ભાવે બહવો યદાની-
મુક્તાઙ્કગાશ્ચારવશાદ્વ્રજન્તિ ।
પુષ્ણન્તિ તદ્ભાવફલાનિ સમ્યક્
તત્કારકાત્તત્તનૃપૂર્વભાવે

બિન્દૌ સ્થિતે તત્ફલસિદ્ધિકાલ
વિનિર્ણયાય પ્રહિતેઽષ્ટવર્ગે ।
ભાન્યષ્ટધા તત્ર વિભજ્ય કક્ષા
ક્રમેણ તેષાં ફલમાહુરન્યે

પ્રસ્તારાષ્ટકવર્ગઃ
આલિખ્ય ચક્રં નવ પૂર્વરેખા
યામ્યોત્તરસ્થા દશ ચ ત્રિરેખાઃ ।
પ્રસ્તારકં ષણ્ણવતિપ્રકોષ્ઠં
પઙ્ક્ત્યષ્ટકં ચાષ્ટકવર્ગજં સ્યાત્

હોરાશશીબોધનશુક્રસૂર્ય-
ભૌમામરેન્દ્રાચિંતભાનુપુત્રાઃ ।
યામ્યાદિપઙ્ક્ત્યષ્ટકરાશિનાથાઃ
ક્રમેણ તત્બિન્દુફલપ્રદાઃ સ્યુઃ

રાશ્ય્ષ્ટભાગપ્રથમાંશકાલે
શનિર્દ્વિતીયે ત્ય્ ગુરુઃ ફલાય ।
કક્ષાક્રમેણૈવમિહાન્ત્યભાગ-
કાલે વિલગ્નં ફલદં પ્રદિષ્ટમ્

સર્વગ્રહાણાં પ્રહિતેઽષ્ટવર્ગે
તત્કાલરાશિસ્થિતબિન્દુયોગે ।
અષ્ટાક્ષસંખ્યાધિકવિન્દવશ્વેત્
શુભં તદુને વ્યસનં ક્રમેણ

યાવન્તસ્તુહિનરુચેઃ શુભાઙ્કસંસ્થા
યાવન્તઃ શુભભવને હિમદ્યુતેર્વા ।
ઇત્થં તદ્વિદિતમિહાધિકે ચ તેભ્યઃ
સ્વસ્ત્યૂને વિપદિતિ સૂચિતં પરેષામ્

કર્તુઃ સ્વજન્મસમયાવસથગ્રહાણાં
કૃત્વાષ્ટવર્ગકથિતાક્ષવિધાનમત્ર ।
બહ્વક્ષયોગવશતઃ શુભરાશિમાસ-
ભાવગ્રહસ્થિતિષુ કર્મશુભં વિદધ્યાત્

પાપોઽપિ સ્વગૃહસ્થશ્ચેદ્ભાવવૃદ્ધિં કરોત્યલમ્।
નીચારાતિગૃહસ્થશ્ચેત્કુર્યાદ્ભાવક્ષયં ધ્રુવમ્

સ્વોચ્ચસ્થોઽપિ શુભો ભાવહાનિં દુઃસ્થાનપો યદિ ।
સુસ્થાનપશ્ચેત્ સ્વોચ્ચસ્થઃ પાપી ભાવાનુકૂલ્યકૃત્