Phaladeepika · Chapter p11

āyurbhāva
jāte kumāre sati pūrvamāryai
rāyurvicintyaṃ hi tataḥ phalāni |
vicāraṇīyā guṇini sthitetad
guṇāḥ samasthāḥ khalu lakṣaṇajñaiḥ

kecidyathādhānavilagnamanye śīrṣodayaṃ bhūpatanaṃ hi kecit |
horāvidaścitanakāyayonyorviyogakālaṃ kathayanti lagnam

ādvādaśābdānnarayonijanmanā-
māyuṣkalā niścayituṃ na śakyate
mātrā ca pitrā kṛtapāpakarmaṇa
bālagrahairnaśamupaiti bālakaḥ

ādye catuṣke jananīkṛtāghai-
rmadhye ca pitrārjitapāpasaṅdhaiḥ |
bālastadantyāsu catuḥśaratsu
svakīyadoṣaiḥ samupaiti nāśam

taddoṣaśāntyai pratijanmatāra-
mādvadaśābdaṃ japahomapūrvam |
āyuṣkaraṃ karma vidhāya tātā
bālaṃ cikitsādibhireva takṣet

āṣṭau bālāriṣṭamādau narāṇaṃ
yogāriṣṭaṃ prāhurāvīṃśati syāt |
alpaṃ cādvātriṃśataṃ madhyamāyu-
ścāsaptatyāḥ pūrṇamāyuḥ śatāntam

nṛṇāṃ varṣaśataṃ hyāyustāsmīṃstredhā vibhajyate |
alpaṃ madhyaṃ dīrghamāyurityetatsarvasammatam

mṛtyuḥ syāddinamṛtyurugviṣaghaṭīkāle'tha tiṣye'mbubhe
tātāmbāsutamātulānpadavaśāttvāṣṭre ca hanyāttathā |
mūlarkṣe pitṛmātṛvaṃśavilayaṃ tasyāntyapāde śriyāṃ
sārpe vyastamidaṃ phalaṃ na śubhasambandhaṃ vilagnaṃ yadi

pāpāptekṣitarāśisandhijanane sadyo vināśaṃ dhruvaṃ
gaṇḍānte pitṛmatṛhā śiśumṛtirjīvedyadi kṣmāpatiḥ |
jātaḥ sandhicatuṣṭaye'pyaśubhasaṃyuktekṣite syānmṛti-
rmṛrtyobhārgagate ca sā sāti vidhau kendro'ṣṭame vā mṛtiḥ

cāndraṃ rūpaṃ lokaśūro varajñaḥ
kuḍye citraṃ bhāgyaloke śukānām |
mene rājyaṃ mṛtyubhāgāḥ pradiṣṭā
meṣādināṃ varṇasamkhyaihīmāṃśoḥ

dānaṃ dheno rudra raudrī mukhena
bhāgyā bhānurgotra jāyā nakhena |
putrī nityaṃ mṛtyubhāgāḥ krameṇa
meṣādīnāṃ teṣu jātā gatāyuḥ

randhre kendreṣu pāpairudayanidhanagairvatha lagnāstayorva
lagne'bjevogramadhye vyayamṛtiripuge durbale śītabhanau |
kṣīṇendau sāśubhe vā tanumadagurudhībhāji randhrāstagograi-
mṛtyuḥ syādaśu kendre na yadi śubhakhagāḥ sadyutirvīkṣaṇaṃ vā

janmeśo'tha vilagnapo yadibhaveddustho'balo vatsarai-
stadrāśipramitaiśca mārayati tanmāsaidṛrgāṇādhipaḥ |
aṃśeśo divasaistathā yadi mṛtirdvitryādiyogānbahū-
nālocya pravadetsutāṣṭamagataiḥ pāpairariṣṭaṃ śiśoḥ

lagnendvostadadhīsayorapi mitho lagneśarandhreśayo-
rdrekkāṇāsvanavāṃśakādapi mithastaddvādaśāṃśātkramāt |
āyurdīrghasamālpatāṃ caranagavdyāṃgaiścare'tha sthire
brūyāddvandvacarasthirairubhayabhaiḥ sthāsnudvidehāṭanaiḥ

lagnādhīśaśubhāḥ kramādbahusamālpāyuṃṣi kendrādigāḥ
randhreśograkhagāstathā yadi gatā vyastaṃ vidadhyuḥ phalaṃ |
janmeśāṣṭamanāthayorudayapacchidreśayormaitrato
bhāsvallagnapayāścirāyurahite'lpāyuḥ same madhyamaḥ

lagnādhipo lagnanavaṃśanāyako
janmeśvaro janmanavāṃśanāyakaḥ |
svasvāṣṭameśādyadi cedbalānvitā
dīrghayuṣaḥ syuviparītamanyatha

lagneśvarādatibalī nidhanesvaro'sau
kendrasthito nidhanariḥ phagatiśca pāpaiḥ |
tasyāyuralpamathavā yadi madhyamāyu-
rutsāhasaṃkaṭavaśātparamāyureti

naro'lpāyuyorge prathamabhagaṇe naśyati śane-
rdvitīye madhyāyuryadi bhavati dīrghayuṣi sati |
tṛtiye niryāṇaṃ sphuṭajaśanigurvarkahimagūn
daśāṃ bhukti kaṣṭamapi vadati niścitya sumatiḥ

sapāpo lagneśo ravihatarucirnīcaripugo
yadā duḥsthāneṣu sthitimupagato gocaravaśāt |
tanau vā tadyogo yadi nidhanamāhustanubhṛtāṃ
navāṃśāddrekkāṇācchiśirakaralagnādapi vadet

śaśī tadārūḍhagṛhādhipaśca
lagnādhināthaśca yadā trayo'mī |
guṇādhikāḥ sadgrahadṛṣṭayukta
guṇadhikaṃ taṃ kathayanti kālam

lagnādhipo'tibalavānaśubhairadṛṣṭaḥ
kendrasthitaḥ śubhakhagairavalokyamānaḥ |
mṛtyuṃ vihāya vidadhāti sa dīrghamāyuḥ
sārddhaṃ guṇairbahubhirūrjitarājalakṣmyā

sarvatiśāyyatibalaḥ sphuradaṃśujālo
lagne sthitaḥ praśamayet surarājamantrī
eko bahūni duritāni sudustarāṇi
bhaktyā prayuktyā iva cakradhare praṇamaḥ

mūrtestrikoṇāgamakaṇṭakeṣu ravīndujīvarkṣanavāṃśasaṃsthaḥ |
sukarmakṛnnatyamaśeṣadoṣānmuṣṇāti vaddhiṣṇaranuṣṇaraśmiḥ

kendratrikoṇanidhaneṣu na yasya pāpā
lagnādhipaḥ suraguruśca catuṣṭayasthau |
bhuktvā sukhāni vividhāni supuṇyakarmā
jīvecca vatsaraśataṃ sa vimuktarogaḥ

ścīpatyudīritadaśābhirathāṣṭavargat-
yatkālacakradaśayoḍudaśāprakārāt |
samyaksphuṭābhihatayā kriyayāptavākyā-
dāyurbudho vadatu bhūriparīkṣayā ca