ફલદીપિકા · અધ્યાય p10

વર્ગ- વિભાગ
ક્ષેત્રત્રિભાગનવભાગદશાંશહોરાત્રિંશંશસપ્તલવષષ્ટિલવાઃ કલાંશાઃ ।
તે દ્વાદશાંશસહિતા દશવર્ગસંજ્ઞા વર્ગોત્તમો નિજનિજે ભવને નવાંશઃ ॥
દશાંશષષ્ટ્યંશકલાંશહીનાસ્તે સપ્તવર્ગાશ્ચ વિસપ્તમાંશાઃ
ષડ્વર્ગસંજ્ઞાસ્ત્વથ રાશિભાવતુલ્યં નવાંશસ્ય ફલં હિ કેચિત્

ક્ષેત્રેષુ પૂર્ણમુદિતં ફલમન્યવર્ગે-
ષ્વર્દ્ધં કલાદશમષષ્ટિલવેષુ પાદમ્ ।
બાલઃ કુમારતરુણૌ પ્રવયા મૃતઃ ષડ્
ભાગઃ ક્રમાદ્યુજિ વિપર્યયમિત્યવસ્થાઃ

ક્ષેત્રસ્યાર્દ્ધં હિ હોરા ત્વયુજિ રવિસુધાંશ્વોઃ સમે વ્યસ્તમેતદ્
દ્રેષ્કાણેશાસ્ત્રિભાગૈસ્તનુસુતશુભપા દ્વાદશાંશસ્તુ લગ્નાત્ ।
ભૌમાર્કીડ્યજ્ઞશુક્રાઃ શિશુજસમલવા હ્યોજભે યુગ્મભે તદ્-
વ્યસ્તં ત્રિંશાંશનાથાઃ ક્રિયમકરતુલાઃ કર્કટાદ્યા નવાંશાઃ

યજ્ઞં રત્ન જનં ધનં નય પટં રૂપં શુકં ચિટિના
નાગં યોગ ખગં બલં ભગ શિલા ધૂલિર્નવં પ્રસ્વનમ્ ।
લાભં વિશ્વ દિવં રમ ધમં ષષ્ટ્યંશકાશ્ચૌજભે
ક્રૂરાખ્યાઃ સમભે વિપર્યયમિદં શેષાસ્તુ સૌમ્યાહ્વયાઃ

સ્વાત્ સપ્તાંશદશાંશકૌ તુ વિષમે તુ કામાચ્છુભાત્
સ્વાદીશાશ્ચ કલાંશપા વિધિહરીશાર્કઃ સમર્ક્ષેઽન્યથા ।
ખ્યાતૈઃ કોણયુતૈસ્ત્રિકોણભવનસ્વર્ક્ષોચ્ચકેન્દ્રોત્તમૈ-
ર્વર્ગાઃ સપ્ત દશ ત્રયોદશમિતા વર્ગાઃ પ્રદિષ્ટાઃ પરૈઃ

વર્ગાન્યોજયતુ ત્રયોદશ સુહૃત્સ્વર્ક્ષોચ્ચભેષુ ક્રમાદ્-
દ્વિસ્ત્રિઃ પઞ્ચ ચતુર્નાદ્રિવસુષટ્સંખ્યાસુ વર્ગૈક્યતઃ ।
પ્રાહુશ્ચોત્તમપારિજાતકથિતૌ સિંહાસનં ગોપુરં
ચેત્યય્રાવતદેવલોકસુરલોકાંશાંશ્ચ પારાવતમ્

આર્યનિલ્પગુણાર્થસૌખ્યવિભવાન્યઃ પારિજાતાંશકઃ
સ્વાચારં વિનયાન્વિતં નિપુણં યદ્યુત્તમાંશે સ્થિતઃ ।
ખેતો ગોપુરભાગગઃ શુભમતિં સ્વક્ષેત્રગો મન્દિરં
યઃ સિંહાસનગો નૃપેન્દ્રદયિતં ભૂપાલપુલ્યં નરમ્

શ્રેષ્ઠાશ્વદ્વિપવાહનાદિ વિભવં પારાવતાધિષ્ઠિતઃ
સત્કીર્તિં યદિ દેવલોકસહિતો ભૂમણ્ડલાધીશ્વરમ્ ।
વન્દ્યં ભૂપતિભિઃ સુરેન્દ્રસદૃશં ત્વૈરાવતાંશાસ્થિતઃ
સદ્ભાગ્યં ધનધાન્યપુત્રસહિતં ભૂપં વિદધ્યાદ્ ગ્રહઃ

યદ્વર્ગેષ્વખિલેષુ મૃત્યુરબલેષ્વત્રાથ વક્ષ્યે ક્રમા-
ન્નાશં દુઃખમનર્થતાં ચ વિસુખં બન્ધુપ્રિયં તદ્વરમ્ ।
ભૂપેષ્ટં ધનિનં નૃપં નૃપવરં વર્ગે બલિષ્ઠેઽખિલે
વધિષ્ણું સુખિનં નૃપં ગદમૃતી બાલાદ્યવસ્થાફલમ્

ષડ્વર્ગેષુ શુભગ્રહાધિકગુણૈઃ શ્રીમાંશ્ચિરં જીવતિ
ક્રૂરાંશે બહુલે વિલગ્નભવને દીનોઽલ્પજીવઃ શઠઃ ।
તન્નાથા બલિનો નૃપોઽસ્ત્યથ નવાંશેશો દૃગાણેશ્વરો
લગ્નેશઃ ક્રમશઃ સુખી નૃપસમઃ ક્ષોણિપતિર્ભગ્યવાન્

ઓજે ક્રૂરેઽર્કહોરાં ગતવતિ બલવાન્ ક્રૂરવૃત્તિર્ધનાઢ્યો
યુગ્મે ચાન્દ્રીંશુભેષુ દ્યુતિવિનયવચોહૃદ્યસૌભાગ્યયુક્તઃ ।
વ્યસ્તં વ્યસ્તેઽત્ર મિશ્રે સમફલમુદિતં લગ્નચન્દ્રૌ બલિષ્ઠૌ
તન્નાથૌ દ્વૌ ચ તદ્વદ્યદિ ભવતિ ચિરંજીવ્યદુઃખી યશસ્વી

સિંહાજાશ્વિતુલાનૃયુગ્મભવનેષ્વન્ત્યા હયાજાદિમાઃ
મધ્યૌ સ્ત્રીયમયોરિહાયુધભૃતઃ પાશોલિમધ્યો ભવેત્ ।
નક્રાદ્યો નિગલો મૃગેન્દ્રઘટયોરાદ્યો વણિઙ્મઃધ્યમો
ગૃધ્રાસ્યો વૃષભાન્તિમશ્ચ વિહગઃ કર્ક્યાદિ કોલાનનમ્

કૌર્પ્યદ્યઃ કર્કટાન્ત્યો ભૂષચરમમહિશ્ચાજગોમધ્યસિંહા-
દ્યલ્યન્ત્યં સ્યાચ્ચતુષ્પાદિહ ફલમધનક્રૂરનિન્દ્યા દરિદ્રાઃ ।
દ્વન્દ્વર્ક્ષે સ્યુર્દૃગાણૈરધમસમશુભાન્યસ્થિરે ચોત્ક્રમેણ
પ્રાહુસ્તજ્જ્ઞાઃ સ્થિરર્ક્ષેષ્વશુભશુભસમાન્યેવ લગ્ને ફલાનિ

દ્રેક્કાણેશે સ્વવર્ગે શુભખગસહિતે સ્વોચ્ચમિત્રર્ક્ષગે વા
તદ્વ ત્રિંશાંશનાથે બલવતિ યદિ ચેદ્ દ્વાદશાંશાધિપે વા
હોરાનાથે તથા ચેન્નિખિલગુણગણો નિત્યશુદ્ધપ્રવીણો
દીર્ઘાયુઃ સ્યાદ્દયાવાન્ સુતધનસહિતઃ કીર્તિમાન્રાજભોગઃ

માન્દિસ્થરાશિપતિસઙ્ગતસુત્રિકોણં
તસ્યાંશરાશિપતિસંયુતમંશકોણમ્ ।
લગ્નં વદન્તિ ગુલિકાંશકરાશિકોણં
તદ્વદ્વિધૌ બલયુતે શશિનૈવ વિદ્યાત્

કુર્યાદાત્મસુહૃદ્દૃગાણગશશી કલ્યાણરૂપં ગુણં
શ્રેયાંસ્યુત્તમવર્ગજસ્ત્વપરગસ્તન્નાથજાતાન્ ગુણાન્ ।
સ્વત્રિંશાંશગતા ગ્રહા વિદધતે તત્કારકત્વોદિતં
તત્રૈકોઽપિ સુહૃદ્ગ્રહેક્ષિતયુતઃ સ્વોચ્ચેઽર્થયુક્તં નૃપમ્

સ્વોચ્ચે પ્રદીપ્તઃ સુખિતસ્ત્રિકોણે સ્વસ્થઃ સ્વગેહે મુદિતઃ સુહૃભે ।
શાન્તસ્તુ સૌમ્યગ્રહવર્ગયુક્તઃ શક્તો મતોઽસૌ સ્ફુટરશિમજાલઃ

ગ્રહાભિભૂતઃ સ નિપીડિતઃ સ્યાત્ ખલસ્તુ પાપગ્રહવર્ગયાતઃ ।
સુદુઃખિતઃ શત્રુગૃહે ગ્રહેન્દ્રો નીચેઽતિભીતો વિકલોઽસ્તયાતઃ

પૂર્ણં પ્રદીપ્તા વિકલાસ્તુ શૂન્યં મધ્યેઽનુપાતાચ્ચ શુભં ક્રમેણ ।
અનુક્રમેણાશુભમેવ કુર્યુર્નામાનુરૂપાણિ ફલાનિ તેષામ્