Paraśurāmakalpasūtra · Chapter 4

4. Khaṇḍa: Lalitā-krama
atha hṛc-cakra-sthitām antas-suṣumṇā-padmâṭavī-nirbhedana-kuśalāṃ nirasta-moha-timirāṃ śiva-dīpa-dīptim ādyāṃ saṃvidaṃ vahan-nāsa-puṭena nirgamayya līlā-''kalita-vapuṣaṃ tāṃ trikhaṇḍa-mudrā-śikhaṇḍe kusumâñjalau haste samānīya

māyā-lakṣmī parā uccārya devī-nāma câmṛta-caitanya-mūrtiṃ kalpayāmi namaḥ - iti kalpayitvā

ha-sa-ra-yujaṃ vācaṃ ha-sa-yuktāṃ ka-la-rīṃ ha-sa-ra-caturdaśa-ṣoḍaśān apy uccārya,
mahā-padma-vanântaḥsthe kāraṇânanda-vigrahe |
sarva-bhūta-hite mātar ehy ehi parameśvari ||
iti baindava-cakre para-citim āvāhya

catuṣṣaṣṭy-upacārān kuryāt | sarve upacāra-mantrāḥ tritārī-pūrvāḥ kalpayāmi namaḥ - ity antāḥ kartavyāḥ

tritārīm uccārya pādyaṃ kalpayāmi namaḥ iti krameṇa ābharaṇâvaropaṇaṃ sugandhi-tailâbhyaṅgaṃ majjana-śālā-praveśanaṃ majjana-maṇḍapa-maṇi-pīṭhopaveśanaṃ divya-snānīyodvartanam uṣṇodaka-snānam kanaka-kalaśa-cyuta-sakala-tīrthâbhi- [139] ṣekaṃ dhauta-vastra-parimārjanam aruṇa-dukūla-paridhānam aruṇa-kucottarīyam ālepa-maṇḍapa-praveśanam ālepa-maṇḍapa-maṇi-pīṭhopaveśanaṃ candanâgaru-kuṅkuma-saṅku-mṛgamada-karpūra-kastūrī-gorocanâdi-divya-gandha-sarvâṅgīṇa-vilepanaṃ keśa-bharasya kālâgaru-dhūpaṃ mallikā-mālatī-jātī-campakâśoka-śatapatra-pūga-kuḍmalī-punnāga-kalhāra-mukhya-sarva-rtu-kusuma-mālāṃ bhūṣaṇa-maṇḍapa-praveśanaṃ bhūṣaṇa-maṇḍapa-maṇi-pīṭhopaveśanaṃ nava-maṇi-makuṭaṃ candra-śakalaṃ sīmanta-sindūraṃ tilaka-ratnaṃ kālâñjanaṃ pālī-yugalaṃ maṇi-kuṇḍala-yugalaṃ nāsâbharaṇam adhara-yāvakaṃ prathama-bhūṣaṇaṃ kanaka-cintākaṃ padakaṃ mahāpadakaṃ muktâvalim ekâvaliṃ channa-vīraṃ keyūra-yugala-catuṣṭayaṃ valayâvalim ūrmikâvaliṃ kāñcī-dāma-kaṭi-sūtraṃ saubhāgyâbharaṇaṃ pāda-kaṭakaṃ ratna-nūpuraṃ pādâṅgulīyakam eka-kare pāśam anya-kare aṅkuśam itara-kare puṇḍrekṣu-cāpam apara-kare puṣpa-bāṇān śrīman-māṇikya-pāduke svasamāna-veṣābhir āvaraṇa-devatābhiḥ saha mahā-cakrâdhirohaṇaṃ kāmeśvarâṅka-paryaṅkopaveśanam amṛtâsava-caṣakam ācamanīyaṃ karpūra-vīṭikām ānandollāsa-vilāsa-hāsaṃ maṅgalârārtikaṃ chatraṃ cāmara-yugalaṃ darpaṇaṃ tāla-vṛntaṃ gandhaṃ puṣpaṃ dhūpaṃ dīpaṃ naivedyaṃ kalpayāmi namaḥ - iti catuṣṣaṣṭy-upacārān vidhāya

nava-mudrāś ca pradarśya

mūlena tridhā santarpya

devyā agnîśâsura-vāyuṣu madhye dikṣu ca ṣaḍ-aṅgāni pūjayitvā

vāk-sa-ka-la-hrīṃ nitya-klinne mada-drave sauḥ - iti kāmeśvarī | sarvatra nityā-śrī-pāduketi yojyam | vāg-bhaga-bhuge bhagini bhagodari bhaga-māle bhagâvahe bhaga-guhye bhaga-yoni bhaga-nipātini sarva-bhaga-vaśaṅkari bhaga-rūpe nitya-klinne bhaga-svarūpe sarvāṇi bhagāni me hy ānaya vara-de rete surete bhaga-klinne klinna-drave kledaya drāvaya amoghe bhaga-vicce kṣubha kṣobhaya sarva-sa- [147] ttvān bhageśvari aiṃ blūṃ jeṃ blūṃ bheṃ blūṃ moṃ blūṃ heṃ blūṃ heṃ klinne sarvāṇi bhagāni me vaśam ānaya strīṃ hara bleṃ hrīṃ bhaga-mālinī | tāro māyā nitya-klinne mada-drave svāhā - iti nitya-klinnā | praṇavaḥ kroṃ bhroṃ krauṃ jhrauṃ chrauṃ jrauṃ svāhā - iti bheruṇḍā | praṇavo māyā vahni-vāsinyai namaḥ - iti vahni-vāsinī | māyā-klinne vāk kroṃ nitya-mada-drave hrīṃ - iti mahā-vajreśvarī | māyā śiva-dūtyai namaḥ - iti śiva-dūtī | praṇavo māyā huṃ khe ca che kṣaḥ strīṃ huṃ kṣeṃ hrīṃ phaṭ - iti tvaritā | kumārī kula-sundarī | ha-sa-ka-la-ra-ḍa-vāgbhava-ha-sa-ka-la-ra-ḍa-bindu-mālinī-ha-sa-ka-la-ra-ḍa-caturdaśa-ṣoḍaśā - iti nityā | māyā phreṃ srūṃ aṅkuśa-pāśa-smara-vāgbhava-blūṃ-pada-nitya-mada-drave varma phreṃ māyeti nīla-patākā | bha-ma-ra-ya-ūm iti vijayā | svaum iti sarva-maṅgalā | tāro namo bhagavati jvālā-mālini deva-devi sarva-bhūta-saṃhāra-kārike jāta-vedasi jvalanti jvala jvala prajvala prajvala tri-jāti-yukta-māyā-repha-saptaka-jvālā-mālini varma-phaḍ-agni-jāyeti jvālā-mālinī | (aṃ) ckauṃ - iti citreti pañcadaśa nityāḥ prathama-try-asra-rekhā-sthita-pañcadaśa-svareṣu pūjyaḥ | visṛṣṭau ṣoḍaśīṃ mūla-vidyayā câbhyarcya

madhye prāk-tryasram adhyāntaḥ muni-veda-nāga-saṅkhyān yathā-sampradāyaṃ pādukān divya-siddha-mānavaugha-siddhān iṣṭvā paścāt sva-śirasi nāthaṃ yajet | etal-layâṅga-pūjanam - iti śivam