Paraśurāmakalpasūtra · Chapter 10

10. Khaṇḍa: Sarva-sādhāraṇa-krama
athâtaḥ sarveṣāṃ mantrāṇāṃ sāmānya-paddhatiṃ vyākhyāsyāmaḥ

śyāmā-vat sandhyā-''dy-arghya-śodhana-paryantaṃ nyāsa-varjam

anukta-ṣaḍ-aṅgasya ṣaḍ-jāti-yukta-māyayā ṣaḍ-aṅgam

bindu-tri-ṣaḍ-ara-nāga-dala-catuṣ-patra-catur-asra-mayaṃ cakram

bindau mukhya-devatecchā-jñāna-kriyā-śaktayas try-asre, ṣaḍ-are tat-tat-ṣaḍ-aṅgāny aṣṭa-dale brāhmy-ādyāḥ, catur-dale gaṇapati-durgā-baṭuka-kṣetreśāś, catur-asre dik-pālāḥ

tritārī-kumārībhyāṃ sarve krama-mantrāḥ prayoktavyāḥ

tat-tan-mūlenâvāhanaṃ kalā-manunā balir anena krameṇâhutiḥ

atha raśmi-mālā

suptotthitenaiṣā manasaikavāram āvartyā

(1) praṇavo bhūr bhuvas suvaḥ -
tat-savitur vareṇiyaṃ bhargo devasya dhīmahi |
dhiyo yo naḥ pracodayāt ||
iti triṃśad-varṇā gāyatrī ||
(2) yata indra bhayāmahe tato no abhayaṃ kuru |
maghavañ chagdhi tava tan na ūtaye vidviṣo vimṛdho jahi ||
svasti-dā viśas-patir vṛtra-hā vimṛdho vaśī |
[258] vṛṣendraḥ pura etu naḥ svasti-dā abhayaṅkaraḥ ||
ity aindrī saptaṣaṣṭy-arṇā saṅkaṭe bhaya-nāśinī ||
(3) praṇavo ghṛṇis sūrya āditya ity aṣṭârṇā saurī tejo-dā ||
(4) praṇavaḥ kevalo brahma-vidyā mukti-dā ||
(5) tāraḥ paro-rajase (')sāvad om iti navârṇā turya-gāyatrī svaikya-vimarśinī ||
raśmi-pañcakam etan-mūla-hṛt-phāla-vidhibila-dvādaśânta-bījatayā vimṛṣṭavyam

(1) sūryâkṣi-tejase namaḥ | (2) khecarāya namaḥ | (3) asato mā sad gamaya | (4) tamaso mā jyotir gamaya | (5) mṛtyor mā 'mṛtaṃ gamaya | (6) uṣṇo bhagavān śuci-rūpaḥ | (7) haṃso bhagavān śucir apratirūpaḥ ||
(8) viśva-rūpaṃ ghṛṇinaṃ jāta-vedasaṃ
hiraṇ-mayaṃ jyotir ekaṃ tapantam |
sahasra-raśmiḥ śatadhā vartamānaḥ
prāṇaḥ prajānām udayaty eṣa sūryaḥ ||
[259] (9) oṃ namo bhagavate sūryāya aho vāhini vāhiny aho vāhini vāhini svāhā ||
(10) vayas suparṇā upasedur indraṃ
priyamedhā ṛṣayo nātha-mānāḥ |
apadhvāntam ūrṇuhi pūrdhi cakṣur
mumugdhy asmān nidhayeva baddhān ||
(11) puṇḍarīkâkṣāya namaḥ | (12) puṣkarekṣaṇāya namaḥ | (13) amalekṣaṇāya namaḥ | (14) kamalekṣaṇāya namaḥ | (15) viśva-rūpāya namaḥ | (16) śrī-mahā-viṣṇave namaḥ ||
iti ṣoḍaśa-mantra-samaṣṭi-rūpiṇī dūra-dṛṣṭi-pradā cākṣuṣmatī vidyā

praṇavo gandharva-rāja viśvā-vaso mama abhilaṣitâmukāṃ kanyāṃ prayaccha tato 'gni-vallabhety uttama-kanyā-vivāha-dāyinī vidyā

tāro namo rudrāya pathi-ṣade svasti mā sampāraya - iti mārga-saṅkaṭa-hāriṇī vidyā

tāras tāre padam uktvā tuttāre ture śabdaṃ ca dahana-dayiteti jalâpac-chamanī vidyā

acyutāya namaḥ, anantāya namaḥ, govindāya namaḥ - iti mahā-vyādhi-vināśinī nāma-trayī vidyā

pañcemā raśmayo mūlâdi-parikaratayā prapañcyāḥ

praṇavaḥ kamalā bhuvanā madano glāc caturdaśa-pañcadaśau gaṃ gaṇapataye vara-yugalaṃ da sarva-janaṃ me śabdo vaśam ānayâgni-vāma-locaneti mahā-gaṇapati-vidyā pratyūha-śamanī

praṇavo namaḥ śivāyai, praṇavo namaḥ śivāyeti dvādaśârṇā, śiva-tattva-vimarśinī vidyā

praṇavaḥ kâṣṭama-dakṣa-śruti-bindu-piṇḍo bhṛgu-ṣoḍaśo māṃ pālaya-dvandvam iti daśârṇā mṛtyor api mṛtyur eṣā vidyā

tāraḥ namo brahmaṇe dhāraṇaṃ me astv anirā-karaṇaṃ dhārayitā bhūyāsaṃ karṇayoḥ śrutaṃ mâcyoḍhvaṃ mamâmuṣya oṃ - iti śruta-dhāriṇī vidyā

śrīkaṇṭâdi-kṣântāḥ sarve varṇāḥ bindu-sahitāḥ mātṛkā sarva-jñatā-karī vidyā

raśmayaḥ pañca mūlâdi-rakṣā-''tmakatayā yaṣṭavyāḥ

śiva-śakti-kāma-kṣiti-māyā-ravîndu-smara-haṃsa-purandara-bhuvanā-parā-manmatha-vāsava-bhauvanāś ca śivâdi-vidyā sva-svarūpa-vimarśinī

kla-śabdād vāmekṣaṇa-bindur eko 'nanta-yoni-bindavo 'nyaḥ śaṅkara-parā-triśūla-visṛṣṭayo 'paraś caita eva khaṇḍāḥ pratilomāḥ ṣaṭ-kūṭā sampat-karī vidyā

sam uccārya sṛṣṭi-nitye svāheti ham ity uktvā sthiti-pūrṇe namaḥ - ity anala-bindu-mahā-saṃhāriṇī kṛśe padāc caṇḍa-śabdaḥ kāli phaṭ - ity agni-bindu-saptama-mudrā-bījaṃ mahā-nākhye ananta-bhāskari mahā-caṇḍa-padāt kāli phaṭ - iti sṛṣṭi-sthiti-saṃhārâkhyānāṃ prātilomyaṃ khecarī-bījaṃ mahā-caṇḍa-vāṇī ca yogîśvarîti vidyā-pañcaka-rūpiṇī kāla-saṅkarṣiṇī paramâyuḥ-pradāyinī

tritārī saptama-mudrā śiva-yuk-śaktir ahaṃ-yugalam etat-pañcaiva lomyam iti śuddha-jñāna-mayī śāmbhavī vidyā

bhṛgu-triśūla-visṛṣṭayaḥ parā-vidyā

pañcemā raśmayo mūlâdy-adhiṣṭhānatayā parikalpanīyāḥ

vāk-kāma-śaktayo 'nuloma-vilomāḥ punar anulomāḥ - iti śriyo 'ṅga-bālā

bhuvanā kamalā subhagā tāro namo bhagavati pūrṇe śekharam anna mamâbhilaṣitam uktvā 'nnaṃ dehi dahana-jāyeti śriya upâṅgam anna-pūrṇā

praṇavaḥ pāśâdi-try-arṇā ehi parameśvarîty uktvā vahni-vāmâkṣy-uktir iti śrī-pratyaṅgam aśvârūḍhā

tāri-trikaṃ saptama-mudrā śiva-śakti-saṃvarta-pu-pañcama-purandara-va-ra-yūṃ śakti-śiva-kṣa-mânte vâdi-va-ra-yīṃ śiva-bhṛgu-triśūla-bindu-bhṛgu-śiva-triśūla-visṛṣṭayaḥ śrī-pūrvaṃ sva-guru-nāmato 'ṣṭâkṣarī ceti śrī-pādukā ca

etābhiś catasṛbhir yuktā mūla-vidyā sāmrājñī mūlâdhāre vilocanīyā

mādana-śakti-bindu-mālinī-vāsava-māyâghoṣa-doṣākara-kandarpa-gagana-maghavad-bhuvana-bhṛgu-puṣpabāṇa-bhū-māyeti seyaṃ tasyā mahā-vidyā

vāṅ-natir ucchiṣṭa-cāṇḍali mātam uktvā gi sarva-padād vaśaṅkari vahni-vāma-locaneti śyāmā-'ṅgaṃ laghu-śyāmā

kumārīm uccārya vada-dvandvaṃ vāk-padaṃ vādini vahni-priyeti śyāmopāṅgaṃ vāg-vādinī

praṇava o-pi-nā-ku-daṃ-pa-vṛ-pa-sa-syai-ca-śā-cā-mā-ha-da-śabdāḥ, ṣṭhā-dhā-na-lī-taiḥ-ri-tā-viḥ-rva-vā-ī-nā-ru-mi-vā-yec-chekharā, nakulī śyāmā-pratyaṅgam

lalitā-pādukâdi-trika-sthāne kumārī yojyā śiṣṭaṃ tad-vat - iti śyāmā-pādukā ca

catasṛbhir yuktā hṛc-cakre śyāmā yaṣṭavyā

tad-vidyā tu tritārī kumārī na-bha-va-śrī-taṃ-śva-sa-ja-ma-hā-sa-mu-raṃ-ni-māyā-sa-rā-va-ka-sa-strī-ru-va-ka-sa-du-mṛ-va-ka-sa-sa-va-ka-sa-lo-va-ka-a-kaṃ-va-mā-ya-hā-varṇā oṃ-mo-ga-ti-mā-gī-ri-rva-na-no-ri-rva-kha-ji-madana-śrīṃ-rva-ja-śaṃ-ri-rva-pu-ṣa-śaṃ-ri-rva-ṣṭa-ga-śaṃ-ri-rva-tva-śaṃ-ri-rva-ka-śaṃ-ri-mu-me-śa-na-svā-'nta mantrâdi bīja-ṣaṭkaṃ prātilomyam iti aṣṭanavati-varṇāḥ

haraḥ sa-bindur vā-pūrva-rāhi sthāṇuḥ sa-bindur unmatta-padaṃ bhai-śabdo ravi-pādukābhyāṃ nama iti vārtāly-aṅgaṃ laghu-vārtālī

vedâdi-bhuvanaṃ namo vārāhi ghore svapnaṃ ṭha-dvitayaṃ agni-dārā - iti vārtāly-upāṅgaṃ svapna-vārtālī svapne śubhâśubha-phala-vaktrī

vāg ghṛdayaṃ bhagavati tiraskariṇi mahā-māye paśu-padāj jana-manaś-cakṣus-tiraskaraṇaṃ kuru-dvitayaṃ varma phaṭ pāvaka-parigraha iti vārtālī-pratyaṅgaṃ, tiraskariṇī

śyāmā-pādukā-mantrâdi-tri-bījam apahāya vāg glaum - iti yojyam | eṣā vārtālī-pādukā

vidyābhir etābhir yuktā phāla-cakre paripūjyā bhagavatîyaṃ bhūdāra-mukhī

manur idam īyo 'yaṃ vāk-puṭitaṃ glauṃ na-bha-va-vā-li-rtā-vā-hi-rā-va-ha-khi-rā-mu-aṃ-aṃ-ni-maḥ-dhe-dhi-na-jaṃ-jaṃ-ni-maḥ-he-hi-na-staṃ-staṃ-ni-maḥ-rva-ṣṭa-du-nāṃ-rve-sa-vāk-tta-kṣu-kha-ti-hvā-bha-ku-ku-śī-va-śabdā yathā-kramaṃ mo-ga-ti-rtā-vā-li-rā-vā-hi-rā-mu-va-ha-khi-dhe-dhi-na-ruṃ-ruṃ-ni-maḥ-bhe-bhi-na-mo-mo-ni-maḥ-bhe-bhi-na-sa-du-pra-ṣṭā-sa-ṣāṃ-rva-ci-ca-rmu-ga-ji-staṃ-naṃ-ru-ru-ghraṃ-śyaṃ-śabdopetā vāk glauṃ visṛṣṭy-antāś ca saptamāś catvāro varmâstrāya phaḍ iti dvādaśottaraśatâkṣarā

pañcamaikādaśa-bīja-varjā śrīr eva śrī-pūrti-vidyā brahma-koṭare yaṣṭavyā

śyāmā-pādukā-prathama-trika-sthāne tāra-trayaṃ kumārī vāk glauṃ - iti yojyam | tataḥ parastāc cheṣaṃ samānam

iyaṃ mahā-pādukā sarva-mantra-samaṣṭi-rūpiṇī svaikya-vimarśinī mahā-siddhi-pradāyinī dvādaśânte yaṣṭavyā

evaṃ raśmi-mālā sampūrṇā | sarva-gātraḥ śuddha-vidyā-maya-tanuḥ sa eva parama-śivaḥ

atha vighna-devatāḥ | iri-mili-kiri-kili-padāt parimirom ity ekaḥ | praṇavo māyā namo bhagavati mahā-tripurād bhai-varṇād ravi-padam anu mama traipurarakṣāṃ kuru kuru - iti dvitīyaḥ | saṃhara saṃhara vighna-rakṣo-vibhīṣakān kālaya huṃ phaṭ svāhā - iti tṛtīyaḥ | blūṃ raktābhyo yoginībhyo namaḥ - iti caturthaḥ | sāṃ sārasāya bahv-āśanāya namaḥ - iti pañcamaḥ | dumuluṣu muluṣu māyā cāmuṇḍāyai namaḥ - iti ṣaṣṭhaḥ | ete manavo lalitā-japa-vighna-devatāḥ

hasanti hasitâlāpe padaṃ mātam uktvā gī-paricārike mama bhaya-vighna-nāśaṃ kuru-dvitayaṃ sa-visarga-ṭha-tritayam iti śyāmā-vighna-devī

staṃ stambhinyai namaḥ - iti kola-mukhī-vighna-devī

ete tat-taj-japârambhe japtavyāḥ

lalitā prāhṇe | aparâhṇe śyāmā | vārtālī rātrau | brāhme muhūrte parā

vyavahāra-deśa-svâtmya-prāṇodvega-sahāyâmaya-vayāṃsi pravicāryaiva tad-anukūlaḥ pañca-mâdi-parāmarśaḥ

sarva-bhūtair avirodhaḥ

paripanthiṣu nigrahaḥ

anugrahaḥ saṃśriteṣu

guru-vat guru-putra-kalatrâdiṣu vṛttiḥ

ādimasya svayaṃ sevanam āgama-dṛṣṭyā doṣa-daṃ tyājyam

sânandasya rucirasyâmodino laghuno vārkṣasya gauḍasya piṣṭa-prakṛtinaḥ andhaso vālkalasya kausumasya vā yathā-deśa-siddhasya vā tasya parigrahaḥ

tad-anantaraṃ madhyamayor asvayam asu-vimocanam | upādime nâyaṃ niyamaḥ | madhyame tu svayaṃ saṃjñapane tatrâyaṃ mantraḥ -
udbudhyasva paśo tvaṃ hi nâśivas tvaṃ śivo hy asi |
śivotkṛttam idaṃ piṇḍaṃ mattas tvaṃ śivatāṃ vraja ||
iti

sarvatra vacana-pūrvaṃ pravṛttiḥ

daśa-kula-vṛkṣânupaplavaḥ

strī-vṛndâdima-kalaśa-siddha-liṅgi-krīḍā-''kula-kumārī-kula-sahakārâśokaika-taru-paretâvani-matta-veśyā-śyāmā-rakta-vasanā-mattebhānāṃ darśane vandanam

pañca-parvasu viśeṣârcā

ārambha-taruṇa-yauvana-prauḍha-tadantonmanânavasthollāseṣu prauḍhântāḥ samayâcārāḥ | tataḥ paraṃ yathā-kāmī | svaira-vyavahāreṣu vīrâvīreṣv ayathā-mananād adhaḥ pātaḥ

raktā-tyāga-viraktā-''kramaṇodāsīnā-pralobhana-varjanam

ghṛṇā-śaṅkā-bhaya-lajjā-jugupsā-kula-jāti-śīlānāṃ krameṇâvasādanam

guru-praguru-sannipāte praguroḥ prathamaṃ praṇatiḥ tad-agre tad-anurodhena tan-nati-varjanam

abhyarhiteṣv aparāṅmukhyam

mukhyatayā prakāśa-vibhāvanā

adhijigamiṣā śarīrârthâsūnāṃ gurave dhāraṇam

etad-ukta-karaṇam

aparīkṣaṇaṃ tad-vacane vyavasthā

sarvathā satya-vacanam

para-dāra-dhaneṣv anāsaktiḥ

sva-stuti-para-nindā-marma-viruddha-vacana-parihāsa-dhikkārâkrośa-trāsana-varjanam

prayatnena vidyā-''rādhana-dvārā pūrṇa-khyāti-samāveśanecchā cety ete sāmāyikâcārāḥ

pare ca śāstrânuśiṣṭāḥ

itthaṃ viditvā vidhi-vad anuṣṭhitavataḥ kula-niṣṭhasya sarvataḥ kṛta-kṛtyatā śarīra-tyāge śvapaca-gṛha-kāśyor nântaraṃ jīvan-muktaḥ

ya imāṃ daśa-khaṇḍīṃ mahopaniṣadaṃ mahā-traipura-siddhānta-sarvasva-bhūtām adhīte saḥ - sarveṣu yajñeṣu yaṣṭā bhavati yaṃ yaṃ kratum adhīte tena tenâsyeṣṭaṃ bhavati iti hi śrūyate ity upaniṣat - iti śivam

athâtaḥ sarveṣāṃ mantrāṇāṃ, atha sveṣṭa-mantrasya, iti vidhi-vat, itthaṃ sâṅgāṃ, iyam eva mahatī vidyā, atha prāthamike caturasre, atha hṛc-cakra-sthitāṃ, evaṃ gaṇapatim iṣṭvā, itthaṃ sad-guroḥ, athâto dīkṣāṃ vyākhyāsyāmaḥ | atha, evam, atha, ittham, atha sveṣṭeti pañca

iti śrī-duṣṭa-kṣatriya-kula-kālântaka-reṇukā-garbha-sambhūta-mahādeva-pradhāna-śiṣya-jāmadagnya-śrī-paraśurāma-bhārgava-mahopādhyāya-mahā-kulâcārya-nirmitaṃ kalpa-sūtraṃ saṃpūrṇam