Paniniya Shiksha · Chapter p9

atha śikṣāṃ pravakṣyāmi pāṇinīyaṃ mataṃ yathā /
śāstrānupūrvaṃ tadvidyādyathoktaṃ lokavedayoḥ

prasiddhamapi śabdārthamavijñātamabuddhibhiḥ /
punarvyaktīkariṣyāmi vāca uccāraṇe vidhim

triṣaṣṭiścatuḥṣaṣṭirvā varṇāḥ śambhumate matāḥ /
prākṛte saṃskṛte cāpi svayaṃ proktāḥ svayaṃbhuvā

svarā viṃśatirekaśca sparśānāṃ pañcaviṃśatiḥ /
yādayaśca smṛtā hyaṣṭau catvāraśca yamāḥ smṛtāḥ

anusvāro visargaśca „eka „epau cāpi parāśritau //
duḥspṛṣṭaśceti vijñeyo ḷkāraḥ pluta eva ca