Paippalāda-Saṃhitā · Chapter 9.25
sahasrākṣaṃ śatadhāram
ṛṣibhiḥ pavanaṃ kṛtam |
tenā sahasradhāreṇa
pavamānaḥ punātu mā ||
yena pūtam antarikṣaṃ
yasmin vāyur adhi śritaḥ |
(…) ||
yena pūte dyāvāpṛthivī
āpaḥ pūtā atho svaḥ |
(…) ||
yena pūte ahorātre
diśaḥ pūtā uta yena pradeśāḥ |
(…) ||
yena pūtau sūryācandramasau
nakṣatrāṇi bhūtakṛtaḥ saha yena pūtāḥ |
(…) ||
yena pūtā vedir agniḥ
paridhayaḥ saha yena pūtāḥ |
(…) ||
yena pūtaṃ barhir
ājyam atho haviḥ |
(…) ||
yena pūto yajño
vaṣaṭkāra utāhutiḥ |
(…) ||
yena pūtau vrīhiyavau
yābhyāṃ yajño adhinirmitaḥ |
(…) ||
yena pūtā aśvā gāvo
atho pūtā ajāvayaḥ |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0