Scripture Library

Paippalāda-Saṃhitā · Chapter 9.24

9.24.1

yad annam āśimā vayam
anannam annakāmyā-
-udarasyābhiśācyā |
(…) ||

9.24.2

yad vidvāṃso yad avidvāṃso
anṛtaṃ kiṃ codima |
ayaṃ mā tasmād odanaḥ
pavitraḥ pātv aṃhasaḥ ||

9.24.3

yad devasya savituḥ pavitraṃ
sahasradhāraṃ vitataṃ hiraṇyam |
yenendram apunanamārtamartyās
tenāyaṃ māṃ sarvapaśuṃ punātu ||

9.24.4

yenāpunāt savitā revatīr apo
yenāpunīta varuṇaḥ savāya |
yenemā viśvā bhuvanāni pūtās
tenāyaṃ māṃ sarvapaśuṃ punātu ||

9.24.5

ati krāmāmi duritaṃ yad eno
jahāmi ripraṃ parame sadhasthe |
yena yanti sukṛto nāpi duṣkṛtas
tam ā ruhema sukṛtām ulokam ||

9.24.6

mā yakṣmam iha hāsiṣṭa
mā riphanto vi gātana |
amaiva puṇyam astu no
attṝn anv eti kilbiṣam ||

9.24.7

imaṃ pacāmy odanaṃ
pavitraṃ pavanāya kam |
sa mā muñcatu duṣkṛtād
viśvasmāc cainasas pari ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0