Paippalāda-Saṃhitā · Chapter 9.26
yena pūtā ṛcaḥ sāmāni
yajur brahmaṇā saha yena pūtam |
(…) ||
yena pūtā atharvāṇa ātharvaṇā
aṅgiraso devatāḥ saha yena pūtāḥ |
(…) ||
yena pūtā ṛtavo yenārtavā
yebhyaḥ saṃvatsaro adhinirmitaḥ |
(…) ||
yena pūtā vanaspatayo vānaspatyā
oṣadhayo vīrudhaḥ saha yena pūtāḥ |
(…) ||
yena pūtā gandharvāpsarasāḥ
sarpapuṇyajanāḥ saha yena pūtāḥ |
(…) ||
yena pūtā nadyaḥ sindhavaḥ
samudraḥ saha yena pūtaḥ |
(…) ||
yena pūtāḥ parvatā himavanto
vaiśvānaraḥ paribhūḥ saha yena pūtaḥ |
(…) ||
yena pūtā viśve devāḥ
parameṣṭhī prajāpatiḥ |
(…) ||
yena pūta stanayitnur
apāṃ vatsaḥ prajāpatiḥ |
(…) ||
yena pūtaḥ prajāpatir lokān
viśvaṃ bhūtaṃ svar ājabhāra |
(…) ||
yena pūtam ṛtaṃ satyaṃ
tapo dīkṣā ca pūyate |
(…) ||
yena pūtam idaṃ sarvaṃ
yad bhūtaṃ yac ca bhāvyam |
tenā sahasradhāreṇa
pavamānaḥ punātu mā ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0