Paippalāda-Saṃhitā · Chapter 9.23
yat kruddhā manyuto vayaṃ
brāhmaṇasya nijagmima
padā vā gām upārima |
(…) ||
yad brahmacarye yat snātacarye
anṛtaṃ kiṃ codima |
(…) ||
kilāsena duścarmaṇā
vaṇḍena yat sahāśima-
-ādhārābhigatena vā |
(…) ||
yat kṣetram abhitiṣṭhātha-
-aśvaṃ vā yaṃ niremiṣe |
(…) ||
yad akṣeṣu hiraṇye
goṣv aśveṣu yad dhane
anṛtaṃ kiṃ codima |
(…) ||
sakhyur jāyāṃ svāṃ dāsīṃ
sūtikāṃ lohitāvatīm
aśuddhāṃ yad upeyima |
(…) ||
parivittena parivividānena-
-abhyavasnātena paribhakṣitena
didhiṣūpatyā yat sahāśima |
(…) ||
yat kusīdaṃ vibhejima
dvimeyaṃ dhanakāmyā |
(…) ||
yad dvyekaṃ yat tryekam
upaikam iti yad dadau |
(…) ||
yat tvaramāṇāḥ śabalam
apakvaṃ māṃsam āśima |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0