Paippalāda-Saṃhitā · Chapter 9.22
imāṃ mātrāṃ nir vapa odanasya
tasya paktā mucyatāṃ kilbiṣebhyaḥ |
abhidrohād enaso duṣkṛtāc ca
punātu mā pavanaiḥ pavitraḥ ||
bhadrau hastau bhadrā jihvā
bhadraṃ bhavatu me vacaḥ |
mahyaṃ pavitram odanaṃ
brahmaṇā nir vapāmasi
hastābhyāṃ nir vapāmasi ||
yan mayi garbhe sati
mātā cakāra duṣkṛtam |
ayaṃ mā tasmād odanaḥ
pavitraḥ pātv aṃhasaḥ ||
yad arvācīnam ekahāyanād
anṛtaṃ kiṃ codima |
(…) ||
yad duṣkṛtaṃ yac chamalaṃ
yad enaś cakṛmā vayam |
(…) ||
yan mātaraṃ yat pitaraṃ
yad vā jāmiṃ jihiṃsima |
(…) ||
yan mātṛghnā yat pitṛghnā
bhrūṇaghnā yat sahāsima |
(…) ||
śyāvadatā kunakhinā
stenena yat sahāsima |
(…) ||
śiśundhānāṃ pūṃścalānāṃ
takṣṇāṃ yad annam āśima |
(…) ||
yad apām apajahrima
nimajya papimodakam |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0