પૈપ્પલાદ-સંહિતા · અધ્યાય 9.22
ઇમાં માત્રાં નિર્ વપ ઓદનસ્ય
તસ્ય પક્તા મુચ્યતાં કિલ્બિષેભ્યઃ ।
અભિદ્રોહાદ્ એનસો દુષ્કૃતાચ્ ચ
પુનાતુ મા પવનૈઃ પવિત્રઃ ॥
ભદ્રૌ હસ્તૌ ભદ્રા જિહ્વા
ભદ્રં ભવતુ મે વચઃ ।
મહ્યં પવિત્રમ્ ઓદનં
બ્રહ્મણા નિર્ વપામસિ
હસ્તાભ્યાં નિર્ વપામસિ ॥
યન્ મયિ ગર્ભે સતિ
માતા ચકાર દુષ્કૃતમ્ ।
અયં મા તસ્માદ્ ઓદનઃ
પવિત્રઃ પાત્વ્ અંહસઃ ॥
યદ્ અર્વાચીનમ્ એકહાયનાદ્
અનૃતં કિં ચોદિમ ।
(…) ॥
યદ્ દુષ્કૃતં યચ્ છમલં
યદ્ એનશ્ ચકૃમા વયમ્ ।
(…) ॥
યન્ માતરં યત્ પિતરં
યદ્ વા જામિં જિહિંસિમ ।
(…) ॥
યન્ માતૃઘ્ના યત્ પિતૃઘ્ના
ભ્રૂણઘ્ના યત્ સહાસિમ ।
(…) ॥
શ્યાવદતા કુનખિના
સ્તેનેન યત્ સહાસિમ ।
(…) ॥
શિશુન્ધાનાં પૂંશ્ચલાનાં
તક્ષ્ણાં યદ્ અન્નમ્ આશિમ ।
(…) ॥
યદ્ અપામ્ અપજહ્રિમ
નિમજ્ય પપિમોદકમ્ ।
(…) ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0