Scripture Library

Paippalāda-Saṃhitā · Chapter 6.21

6.21.1

atho yāni ca vasmahe
yāni cāntaḥ parīṇahi |
tāni te pari dadmasi ||

6.21.2

rātri mātar uṣase naḥ pari dehi |
uṣā no ahne pari dadātv
ahas tubhyaṃ vibhāvari ||

6.21.3

yat kiṃ cedaṃ patayati
yat kiṃ cedaṃ sarīsṛpam |
yat kiṃ ca padvad āsanvat
tasmāt tvaṃ rātri pāhi naḥ ||

6.21.4

sā paścāt pāhi sā puraḥ
sottarād adharād uta |
gopāya no vibhāvari
stotāras ta iha smasi ||

6.21.5

ye rātrim anutiṣṭhanti
ye ca bhūteṣu jāgrati |
paśūn ye sarvān rakṣanti
te na ātmasu jāgratu
te naḥ paśuṣu jāgratu ||

6.21.6

veda vai rātri te nāma
ghṛtācī nāma vā asi |
tāṃ tvā bharadvājo veda
sā no vitte 'dhi jāgṛhi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0