Scripture Library

Paippalāda-Saṃhitā · Chapter 6.2

6.2.1

ṛdhaṅmandrayoninovibhāvā
amṛtāsuḥ sujanmā vardhamānaḥ |
adabdhāsur bhrājamāno 'heva
trito dādhāra trīṇi ||

6.2.2

ni yo dharmaṇi prathamaḥ sasāda -
-ato vapūṃṣi kṛṇute purūṇi |
dhāsyur yoniṃ prathama ā viveśa-
-ā yo vācam anuditāṃ cikāya ||

6.2.3

yas te śokas tanva ārireca
kṣarad dhiraṇyaṃ śucayo 'nu svāḥ |
atrā dadhiṣe amṛtāni nāma-
-asme vastrāṇīṣa erayanta ||

6.2.4

pra yad ete prataraṃ pūrvyaṃ guḥ
sadaḥsada ātiṣṭhanto ajuryam |
kaviḥ śuṣasya mātarā rihāṇe
jāmirvadhuryuḥpratimānimīta ||

6.2.5

tad ū ṣu te mahā pṛthuryaman
namaḥ kaviḥ kāvyenākṛṇot |
yat samyañco 'bhiyanto *'dhi kṣām
adhā mahī rodhacakrā vavardha ||

6.2.6

sapta maryādāḥ kavayas tatakṣus
tāsām id ekām abhy aṃhuro gāt |
utāmṛtāsur vṛta eṣi kṛṇvann
asura āptaḥ svadhayā samadguḥ ||

6.2.7

utāyur jyeṣṭho ratnā dadhāty
ūrjā vā yaṃ sacate kavir dāḥ |
putro vā yat pitarā kṣatram īrte
jyeṣṭhaṃ maryādam ahvayan svasti ||

6.2.8

darśan nu tān varuṇa ye ta iṣṭāv
āvarvṛtataḥ kṛṇavo vapūṃṣi |
ardham ardhena śavasā pṛṇakṣy
ardhena śuṣmaṃ vardhase *'mūra ||

6.2.9

avīvṛdhāma śagmyaṃ sakhāyaṃ
varuṇaṃ putram aditer iṣiram |
kaviśastāny asmai vacāṃsy
avocāma rodasī satyavācau ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0