પૈપ્પલાદ-સંહિતા · અધ્યાય 6.2

ઋધઙ્મન્દ્રયોનિનોવિભાવા
અમૃતાસુઃ સુજન્મા વર્ધમાનઃ ।
અદબ્ધાસુર્ ભ્રાજમાનો ઽહેવ
ત્રિતો દાધાર ત્રીણિ ॥

નિ યો ધર્મણિ પ્રથમઃ સસાદ -
-અતો વપૂંષિ કૃણુતે પુરૂણિ ।
ધાસ્યુર્ યોનિં પ્રથમ આ વિવેશ-
-આ યો વાચમ્ અનુદિતાં ચિકાય ॥

યસ્ તે શોકસ્ તન્વ આરિરેચ
ક્ષરદ્ ધિરણ્યં શુચયો ઽનુ સ્વાઃ ।
અત્રા દધિષે અમૃતાનિ નામ-
-અસ્મે વસ્ત્રાણીષ એરયન્ત ॥

પ્ર યદ્ એતે પ્રતરં પૂર્વ્યં ગુઃ
સદઃસદ આતિષ્ઠન્તો અજુર્યમ્ ।
કવિઃ શુષસ્ય માતરા રિહાણે
જામિર્વધુર્યુઃપ્રતિમાનિમીત ॥

તદ્ ઊ ષુ તે મહા પૃથુર્યમન્
નમઃ કવિઃ કાવ્યેનાકૃણોત્ ।
યત્ સમ્યઞ્ચો ઽભિયન્તો *ઽધિ ક્ષામ્
અધા મહી રોધચક્રા વવર્ધ ॥

સપ્ત મર્યાદાઃ કવયસ્ તતક્ષુસ્
તાસામ્ ઇદ્ એકામ્ અભ્ય્ અંહુરો ગાત્ ।
ઉતામૃતાસુર્ વૃત એષિ કૃણ્વન્ન્
અસુર આપ્તઃ સ્વધયા સમદ્ગુઃ ॥

ઉતાયુર્ જ્યેષ્ઠો રત્ના દધાત્ય્
ઊર્જા વા યં સચતે કવિર્ દાઃ ।
પુત્રો વા યત્ પિતરા ક્ષત્રમ્ ઈર્તે
જ્યેષ્ઠં મર્યાદમ્ અહ્વયન્ સ્વસ્તિ ॥

દર્શન્ નુ તાન્ વરુણ યે ત ઇષ્ટાવ્
આવર્વૃતતઃ કૃણવો વપૂંષિ ।
અર્ધમ્ અર્ધેન શવસા પૃણક્ષ્ય્
અર્ધેન શુષ્મં વર્ધસે *ઽમૂર ॥

અવીવૃધામ શગ્મ્યં સખાયં
વરુણં પુત્રમ્ અદિતેર્ ઇષિરમ્ ।
કવિશસ્તાન્ય્ અસ્મૈ વચાંસ્ય્
અવોચામ રોદસી સત્યવાચૌ ॥