Paippalāda-Saṃhitā · Chapter 5.35
agnaye sam anaman tasmai pṛthivyā sam anaman |
yathāgnaye pṛthivyā samanamann
evā mahyaṃ saṃnamaḥ saṃ namantu |
vittiṃ bhūtiṃ puṣṭiṃ paśūn
brahma brāhmaṇavarcasam |
saṃnataya stha saṃ me namata svāhā ||
vāyave sam anaman tasmā antarikṣeṇa sam anaman |
yathā vāyave antarikṣeṇa samanaman
(…) ||
sūryāya sam anaman tasmai divā sam anaman |
yathā sūryāya divā samanaman
(…) ||
candrāya sam anaman tasmai nakṣatraiḥ sam anaman |
yathā candrāya nakṣatraiḥ samanaman
(…) ||
somāya sam anaman tasmā oṣadhībhiḥ sam anaman |
yathā somāyauṣadhībhiḥ samanaman
(…) ||
yajñāya sam anaman tasmai dakṣiṇābhiḥ sam anaman |
yathā yajñāya dakṣiṇābhiḥ samanaman
(…) ||
samudrāya sam anaman tasmai nadībhiḥ sam anaman |
yathā samudrāya nadībhiḥ samanaman
(…) ||
brahmaṇe sam anaman tasmai brahmacāribhiḥ sam anaman |
yathā brahmaṇe brahmacāribhiḥ samanaman
(…) ||
indrāya sam anaman tasmai vīryeṇa sam anaman |
yathendrāya vīryeṇa samanaman
(…) ||
devebhyaḥ sam anaman tebhyo 'mṛtena sam anaman |
yathā devebhyo 'mṛtena samanaman
(…) ||
prajāpataye sam anaman tasmai prajābhiḥ sam anaman |
yathā prajāpataye prajābhiḥ samanamann
evā mahyaṃ saṃnamaḥ saṃ namantu |
vittiṃ bhūtiṃ puṣṭiṃ paśūn
brahma brāhmaṇavarcasam |
saṃnataya stha saṃ me namata svāhā ||
sapta saṃnamo
'ṣṭamī dhītisādhanī |
sakāmān adhvanaḥ kṛṇu
saṃjñānam astu vo dhane ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0