પૈપ્પલાદ-સંહિતા · અધ્યાય 5.35

અગ્નયે સમ્ અનમન્ તસ્મૈ પૃથિવ્યા સમ્ અનમન્ ।
યથાગ્નયે પૃથિવ્યા સમનમન્ન્
એવા મહ્યં સંનમઃ સં નમન્તુ ।
વિત્તિં ભૂતિં પુષ્ટિં પશૂન્
બ્રહ્મ બ્રાહ્મણવર્ચસમ્ ।
સંનતય સ્થ સં મે નમત સ્વાહા ॥

વાયવે સમ્ અનમન્ તસ્મા અન્તરિક્ષેણ સમ્ અનમન્ ।
યથા વાયવે અન્તરિક્ષેણ સમનમન્
(…) ॥

સૂર્યાય સમ્ અનમન્ તસ્મૈ દિવા સમ્ અનમન્ ।
યથા સૂર્યાય દિવા સમનમન્
(…) ॥

ચન્દ્રાય સમ્ અનમન્ તસ્મૈ નક્ષત્રૈઃ સમ્ અનમન્ ।
યથા ચન્દ્રાય નક્ષત્રૈઃ સમનમન્
(…) ॥

સોમાય સમ્ અનમન્ તસ્મા ઓષધીભિઃ સમ્ અનમન્ ।
યથા સોમાયૌષધીભિઃ સમનમન્
(…) ॥

યજ્ઞાય સમ્ અનમન્ તસ્મૈ દક્ષિણાભિઃ સમ્ અનમન્ ।
યથા યજ્ઞાય દક્ષિણાભિઃ સમનમન્
(…) ॥

સમુદ્રાય સમ્ અનમન્ તસ્મૈ નદીભિઃ સમ્ અનમન્ ।
યથા સમુદ્રાય નદીભિઃ સમનમન્
(…) ॥

બ્રહ્મણે સમ્ અનમન્ તસ્મૈ બ્રહ્મચારિભિઃ સમ્ અનમન્ ।
યથા બ્રહ્મણે બ્રહ્મચારિભિઃ સમનમન્
(…) ॥

ઇન્દ્રાય સમ્ અનમન્ તસ્મૈ વીર્યેણ સમ્ અનમન્ ।
યથેન્દ્રાય વીર્યેણ સમનમન્
(…) ॥

દેવેભ્યઃ સમ્ અનમન્ તેભ્યો ઽમૃતેન સમ્ અનમન્ ।
યથા દેવેભ્યો ઽમૃતેન સમનમન્
(…) ॥

પ્રજાપતયે સમ્ અનમન્ તસ્મૈ પ્રજાભિઃ સમ્ અનમન્ ।
યથા પ્રજાપતયે પ્રજાભિઃ સમનમન્ન્
એવા મહ્યં સંનમઃ સં નમન્તુ ।
વિત્તિં ભૂતિં પુષ્ટિં પશૂન્
બ્રહ્મ બ્રાહ્મણવર્ચસમ્ ।
સંનતય સ્થ સં મે નમત સ્વાહા ॥

સપ્ત સંનમો
ઽષ્ટમી ધીતિસાધની ।
સકામાન્ અધ્વનઃ કૃણુ
સંજ્ઞાનમ્ અસ્તુ વો ધને ॥