Scripture Library

Paippalāda-Saṃhitā · Chapter 5.34

5.34.1

aśaṃ te śvaśrūr vadatu
śvaśuras te aśantaram |
devā te abhiśocanaṃ
brahma vidveṣaṇaṃ kṛtam ||

5.34.2

ā krandayolulā kuru
vācam ā dhehy apriyām |
śiro lipsasva hastābhyāṃ
keśās te abhiśocanam ||

5.34.3

ye keśā yau pratidhī
yat kurīraṃ ya opaśaḥ |
atho ye te svāḥ santi
sarve te te 'bhiśocanam ||

5.34.4

apa trasa paridhānād
unmādanaṃ kṛṇomi te |
atho yat te svaṃ vāsaḥ
sarvaṃ tat te 'bhiśocanam ||

5.34.5

arkam addhi pra patāto
municakṣuṃ kṛṇomi te |
atho śvabhyo rāyadbhyaḥ
prati sma gaṅgaṇaṃ kuru ||

5.34.6

ut tiṣṭhāre palāyasva
marīcīnāṃ padaṃ bhava |
atho yat kāryaṃ kurv
āśāṃ sam ṛṣa muṣkayoḥ ||

5.34.7

upa kṣvedābhi cālaya
vātas tūlam ivaijaya |
dadbhiḥ saṃdaśya bāhvor
udaddhi muravasthiye ||

5.34.8

abhi gāya śābaleyaṃ
śauṇeyaṃ sādhuvāhinam |
kālmāṣeyasya carkṛdhy
āyataḥ prati cālaya ||

5.34.9

ṛśyapucchaṃ śunaḥpucchaṃ
vātaraṃhaṃ manojavam |
taṃ te rathaṃ saṃ bharantu devās
tenā carāsi patim icchamānā ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0