પૈપ્પલાદ-સંહિતા · અધ્યાય 5.34

અશં તે શ્વશ્રૂર્ વદતુ
શ્વશુરસ્ તે અશન્તરમ્ ।
દેવા તે અભિશોચનં
બ્રહ્મ વિદ્વેષણં કૃતમ્ ॥

આ ક્રન્દયોલુલા કુરુ
વાચમ્ આ ધેહ્ય્ અપ્રિયામ્ ।
શિરો લિપ્સસ્વ હસ્તાભ્યાં
કેશાસ્ તે અભિશોચનમ્ ॥

યે કેશા યૌ પ્રતિધી
યત્ કુરીરં ય ઓપશઃ ।
અથો યે તે સ્વાઃ સન્તિ
સર્વે તે તે ઽભિશોચનમ્ ॥

અપ ત્રસ પરિધાનાદ્
ઉન્માદનં કૃણોમિ તે ।
અથો યત્ તે સ્વં વાસઃ
સર્વં તત્ તે ઽભિશોચનમ્ ॥

અર્કમ્ અદ્ધિ પ્ર પતાતો
મુનિચક્ષું કૃણોમિ તે ।
અથો શ્વભ્યો રાયદ્ભ્યઃ
પ્રતિ સ્મ ગઙ્ગણં કુરુ ॥

ઉત્ તિષ્ઠારે પલાયસ્વ
મરીચીનાં પદં ભવ ।
અથો યત્ કાર્યં કુર્વ્
આશાં સમ્ ઋષ મુષ્કયોઃ ॥

ઉપ ક્ષ્વેદાભિ ચાલય
વાતસ્ તૂલમ્ ઇવૈજય ।
દદ્ભિઃ સંદશ્ય બાહ્વોર્
ઉદદ્ધિ મુરવસ્થિયે ॥

અભિ ગાય શાબલેયં
શૌણેયં સાધુવાહિનમ્ ।
કાલ્માષેયસ્ય ચર્કૃધ્ય્
આયતઃ પ્રતિ ચાલય ॥

ઋશ્યપુચ્છં શુનઃપુચ્છં
વાતરંહં મનોજવમ્ ।
તં તે રથં સં ભરન્તુ દેવાસ્
તેના ચરાસિ પતિમ્ ઇચ્છમાના ॥