Paippalāda-Saṃhitā · Chapter 5.33

ya imāṃ devo mekhalām ābabandha
yaḥ saṃnanāha ya u mā yuyoja |
yasya devasya praśiṣā carāmi
sa pāram icchāt sa u mā vi muñcāt ||

āhutāsy abhihuta
ṛṣīṇām asy āyudham |
pūrvā vratasya prāśnatī
vīraghnī bhava mekhale ||

mṛtyor ahaṃ brahmacārī yad asmi
bhūtān niryācan puruṣaṃ yamāya |
tam ahaṃ brahmaṇā tapasā śrameṇa-
- anayainaṃ mekhalayā sināmi ||

ayaṃ vajras tarpayatāṃ vratena-
-avāsya rāṣṭram abhi hantu jīvam |
bhinattu skandhān pra śṛṇātūṣṇihāḥ ||

adharottaram adharottareṇa
gūḍhaḥ pṛthivyā mot sṛpat |
vajreṇāvahataḥ śayām ||

yo jināti tam anv iccha
yo jināti tam ij jahi |
jinato vajra sāyaka sīmantam
anvañcam anu pātaya ||

yad aśnāmi balaṃ kurve
vajram ā dadā iti |
skandhān amuṣya śātayan
vṛtrasyeva śacīpatiḥ ||

yat pibāmi saṃ pibāmi
samudra iva saṃpibaḥ |
prāṇān amuṣya saṃpiban
saṃ pibāmy ahaṃ pibam ||

yad girāmi saṃ girāmi
samudra iva saṃgiraḥ |
prāṇān amuṣya saṃgiran
saṃ girāmy ahaṃ giram ||

śraddhāyā duhitā tapaso 'dhi jātā
svasa rṣīṇāṃ bhūtakṛtāṃ babhūva |
sā no mekhale matim ā dhehi medhām
atho no dhehi tapa indriyaṃ ca ||

yāṃ tvā pūrve bhūtakṛta
ṛṣayaḥ paribedhire |
sā tvaṃ pari ṣvajasva mā
dīrghāyutvāya mekhale ||