પૈપ્પલાદ-સંહિતા · અધ્યાય 5.33

ય ઇમાં દેવો મેખલામ્ આબબન્ધ
યઃ સંનનાહ ય ઉ મા યુયોજ ।
યસ્ય દેવસ્ય પ્રશિષા ચરામિ
સ પારમ્ ઇચ્છાત્ સ ઉ મા વિ મુઞ્ચાત્ ॥

આહુતાસ્ય્ અભિહુત
ઋષીણામ્ અસ્ય્ આયુધમ્ ।
પૂર્વા વ્રતસ્ય પ્રાશ્નતી
વીરઘ્ની ભવ મેખલે ॥

મૃત્યોર્ અહં બ્રહ્મચારી યદ્ અસ્મિ
ભૂતાન્ નિર્યાચન્ પુરુષં યમાય ।
તમ્ અહં બ્રહ્મણા તપસા શ્રમેણ-
- અનયૈનં મેખલયા સિનામિ ॥

અયં વજ્રસ્ તર્પયતાં વ્રતેન-
-અવાસ્ય રાષ્ટ્રમ્ અભિ હન્તુ જીવમ્ ।
ભિનત્તુ સ્કન્ધાન્ પ્ર શૃણાતૂષ્ણિહાઃ ॥

અધરોત્તરમ્ અધરોત્તરેણ
ગૂઢઃ પૃથિવ્યા મોત્ સૃપત્ ।
વજ્રેણાવહતઃ શયામ્ ॥

યો જિનાતિ તમ્ અન્વ્ ઇચ્છ
યો જિનાતિ તમ્ ઇજ્ જહિ ।
જિનતો વજ્ર સાયક સીમન્તમ્
અન્વઞ્ચમ્ અનુ પાતય ॥

યદ્ અશ્નામિ બલં કુર્વે
વજ્રમ્ આ દદા ઇતિ ।
સ્કન્ધાન્ અમુષ્ય શાતયન્
વૃત્રસ્યેવ શચીપતિઃ ॥

યત્ પિબામિ સં પિબામિ
સમુદ્ર ઇવ સંપિબઃ ।
પ્રાણાન્ અમુષ્ય સંપિબન્
સં પિબામ્ય્ અહં પિબમ્ ॥

યદ્ ગિરામિ સં ગિરામિ
સમુદ્ર ઇવ સંગિરઃ ।
પ્રાણાન્ અમુષ્ય સંગિરન્
સં ગિરામ્ય્ અહં ગિરમ્ ॥

શ્રદ્ધાયા દુહિતા તપસો ઽધિ જાતા
સ્વસ ર્ષીણાં ભૂતકૃતાં બભૂવ ।
સા નો મેખલે મતિમ્ આ ધેહિ મેધામ્
અથો નો ધેહિ તપ ઇન્દ્રિયં ચ ॥

યાં ત્વા પૂર્વે ભૂતકૃત
ઋષયઃ પરિબેધિરે ।
સા ત્વં પરિ ષ્વજસ્વ મા
દીર્ઘાયુત્વાય મેખલે ॥