Scripture Library

Paippalāda-Saṃhitā · Chapter 5.25

5.25.1

utevāsy abandhukṛd
utāsy anujāmikaḥ |
uto kṛtyākṛtaḥ prajāṃ
naḍam ivā chindhi vārṣikam ||

5.25.2

brāhmaṇena paryukto 'si
kaṇvena nārṣadena |
senevaiṣi tviṣīmatī
na tatra bhayam asti
yatra prāpnoṣy oṣadhe ||

5.25.3

agre 'sy oṣadhīnāṃ
jyotiṣevābhidīpayan |
uta pākasya trātāsy
uta hantāsi rakṣasaḥ ||

5.25.4

yad ado devā asurāṃs
tvayāgre nirakṛṇvata |
tasmād adhi tvam oṣadhe
apāmārgo ajāyathāḥ ||

5.25.5

vibhindatī śataśākhā
vibhindan nāma te pitā |
pratyag vi bhindhi taṃ tvaṃ
yo asmām̐ abhidāsati ||

5.25.6

asad bhūmyāḥ sam abhavat
tad dyām eti bṛhad vacaḥ |
tad it tato vidhūmayat
pratyak kartāram ṛcchatu ||

5.25.7

pratyaṅ hi saṃbabhūvitha
pratīcīnaphalas tvam |
pratīcīḥ kṛtyā ākṛtya-
-amuṃ kṛtyākṛtaṃ jahi ||

5.25.8

śatena mā pari pāhi
sahasreṇābhi rakṣa mā |
indras te vīrudhāṃ pata
ugra ojmānam ā dadhau ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0