Paippalāda-Saṃhitā · Chapter 5.26
arātyā dyāvāpṛthivī
chintaṃ mūlam atho śiraḥ |
vicchidya madhyataḥ pṛṣṭīs
tāṃ kṛṇvāthām adhaspadam ||
idaṃ śṛṇu jātavedo
yad amuṣyā vaco mama |
arātyāḥ sarvam ic chiraḥ
praśnaṃ vṛhatam aśvinā ||
yā svapnayā carati
gaur bhūtvā janām̐ anu |
arātim indra tvaṃ jahi
tām agnir ivasā dahāt ||
śreṣṭho me rājā varuṇo
havaṃ satyena gacchatu |
arātiṃ hatvā santokām
ugro devo 'bhi dāsatu ||
deṣṭrī ca yā sinīvālī
sapta ca śrotyā yāḥ |
arātiṃ viśvā bhūtāni
ghnantu dāsīm ivāgasi ||
somo rājauṣadhībhiḥ
sūryācandramasā ubhā |
arātiṃ sarve gandharvā
ghnantv apsarasaś ca yāḥ ||
bhavo rājā bhavāśarvāv
indro vāyur bṛhaspatiḥ |
tvaṣṭā me adhyakṣaḥ pūṣā
te 'rātiṃ ghnantu sarvadā ||
ye ca devā bhūmicarā
ye cāmī divy āsate |
ye antarikṣasyeśate
te 'rātiṃ ghnantu savratāḥ ||
yā ceṣitāsurair
devebhir iṣitā ca yā |
atho yā manyor jāyate
'rātiṃ hanmi brahmaṇā ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0