પૈપ્પલાદ-સંહિતા · અધ્યાય 5.25

ઉતેવાસ્ય્ અબન્ધુકૃદ્
ઉતાસ્ય્ અનુજામિકઃ ।
ઉતો કૃત્યાકૃતઃ પ્રજાં
નડમ્ ઇવા છિન્ધિ વાર્ષિકમ્ ॥

બ્રાહ્મણેન પર્યુક્તો ઽસિ
કણ્વેન નાર્ષદેન ।
સેનેવૈષિ ત્વિષીમતી
ન તત્ર ભયમ્ અસ્તિ
યત્ર પ્રાપ્નોષ્ય્ ઓષધે ॥

અગ્રે ઽસ્ય્ ઓષધીનાં
જ્યોતિષેવાભિદીપયન્ ।
ઉત પાકસ્ય ત્રાતાસ્ય્
ઉત હન્તાસિ રક્ષસઃ ॥

યદ્ અદો દેવા અસુરાંસ્
ત્વયાગ્રે નિરકૃણ્વત ।
તસ્માદ્ અધિ ત્વમ્ ઓષધે
અપામાર્ગો અજાયથાઃ ॥

વિભિન્દતી શતશાખા
વિભિન્દન્ નામ તે પિતા ।
પ્રત્યગ્ વિ ભિન્ધિ તં ત્વં
યો અસ્માઁ અભિદાસતિ ॥

અસદ્ ભૂમ્યાઃ સમ્ અભવત્
તદ્ દ્યામ્ એતિ બૃહદ્ વચઃ ।
તદ્ ઇત્ તતો વિધૂમયત્
પ્રત્યક્ કર્તારમ્ ઋચ્છતુ ॥

પ્રત્યઙ્ હિ સંબભૂવિથ
પ્રતીચીનફલસ્ ત્વમ્ ।
પ્રતીચીઃ કૃત્યા આકૃત્ય-
-અમું કૃત્યાકૃતં જહિ ॥

શતેન મા પરિ પાહિ
સહસ્રેણાભિ રક્ષ મા ।
ઇન્દ્રસ્ તે વીરુધાં પત
ઉગ્ર ઓજ્માનમ્ આ દધૌ ॥