Scripture Library

Paippalāda-Saṃhitā · Chapter 4.40

4.40.1

śunaṃ vatsān apā karomi
śunaṃ badhnāmi tantyām |
āgrayaṇaṃ brahmaṇāṃ havis
tasmiñ jāgāra kaśyapaḥ ||

4.40.2

bāhuṃ vatsam upanayan
pātre gāṃ duhann abravīt |
ariṣṭaṃ brahmabhyo haviḥ
śivaṃ kṛṇotu kaśyapaḥ ||

4.40.3

trayas tiṣṭhanti sukṛtasya loke
trayo 'tīkāśās trīṇi śīrṣāṇy eṣām |
trayas tiṣṭhanti parigṛhya kumbhīṃ
yathā haviḥ kaśyapa na vyathātai ||

4.40.4

satyāt sambhūto vadati
taṇḍulān kṣīra āvapan |
ṛṣir brahmabhya āgrayaṇaṃ
ni vedayatu kaśyapaḥ ||

4.40.5

ṛtumukhe candrabhāgaḥ
pātra odanam ud dharāt |
prāśnantu brahmāṇo havir
yathā vedena kaśyapaḥ ||

4.40.6

ye bhūtāny asṛjanta
ye bhūtāny akalpayan |
sarvasya vidvān adhvaryuḥ
ṣaṇṇāṃ bhavatu kaśyapaḥ ||

4.40.7

śivā āpo vatsebhyaḥ
śivā bhavantv oṣadhīḥ |
vāto vatsebhyaḥ kaśyapaḥ
śivaḥ śivaṃ tapatu sūryaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0