પૈપ્પલાદ-સંહિતા · અધ્યાય 4.40

શુનં વત્સાન્ અપા કરોમિ
શુનં બધ્નામિ તન્ત્યામ્ ।
આગ્રયણં બ્રહ્મણાં હવિસ્
તસ્મિઞ્ જાગાર કશ્યપઃ ॥

બાહું વત્સમ્ ઉપનયન્
પાત્રે ગાં દુહન્ન્ અબ્રવીત્ ।
અરિષ્ટં બ્રહ્મભ્યો હવિઃ
શિવં કૃણોતુ કશ્યપઃ ॥

ત્રયસ્ તિષ્ઠન્તિ સુકૃતસ્ય લોકે
ત્રયો ઽતીકાશાસ્ ત્રીણિ શીર્ષાણ્ય્ એષામ્ ।
ત્રયસ્ તિષ્ઠન્તિ પરિગૃહ્ય કુમ્ભીં
યથા હવિઃ કશ્યપ ન વ્યથાતૈ ॥

સત્યાત્ સમ્ભૂતો વદતિ
તણ્ડુલાન્ ક્ષીર આવપન્ ।
ઋષિર્ બ્રહ્મભ્ય આગ્રયણં
નિ વેદયતુ કશ્યપઃ ॥

ઋતુમુખે ચન્દ્રભાગઃ
પાત્ર ઓદનમ્ ઉદ્ ધરાત્ ।
પ્રાશ્નન્તુ બ્રહ્માણો હવિર્
યથા વેદેન કશ્યપઃ ॥

યે ભૂતાન્ય્ અસૃજન્ત
યે ભૂતાન્ય્ અકલ્પયન્ ।
સર્વસ્ય વિદ્વાન્ અધ્વર્યુઃ
ષણ્ણાં ભવતુ કશ્યપઃ ॥

શિવા આપો વત્સેભ્યઃ
શિવા ભવન્ત્વ્ ઓષધીઃ ।
વાતો વત્સેભ્યઃ કશ્યપઃ
શિવઃ શિવં તપતુ સૂર્યઃ ॥