Scripture Library

Paippalāda-Saṃhitā · Chapter 4.38

4.38.1

manve vāṃ mitrāvaruṇāv ṛtāvṛdhau
satyaujasau druhvāṇaṃ yau nudethe |
yau satyāvānam avatho haveṣu
tau no muñcatam aṃhasaḥ ||

4.38.2

satyaujasau druhvāṇaṃ yau nudethe
pra satyāvānam avatho haveṣu |
yau gacchatho nṛcakṣasā babhruṇā sutaṃ
tau no muñcatam aṃhasaḥ ||

4.38.3

yāv aṅgiraso 'vatho yāv agastiṃ
mitrāvaruṇā jamadagnim atrim |
yau kaśyapam avatho yau vasiṣṭhaṃ
tau no muñcatam aṃhasaḥ ||

4.38.4

yau bharadvājam avatho vadhryaśvaṃ
viśvāmitraṃ varuṇa mitra kutsam |
yau kakṣīvantam avathaḥ prota kaṇvaṃ
tau no muñcatam aṃhasaḥ ||

4.38.5

yau śyāvāśyam avatho yau gaviṣṭhiraṃ
mitrāvaruṇā purumīḍham atrim |
yau vimadam avathaḥ saptavadhriṃ
tau no muñcatam aṃhasaḥ ||

4.38.6

yau medhātithim avatho yau triśokaṃ
mitrāvaruṇā uśanāṃ kāvyaṃ yau |
yau mudgalam avatho gotamaṃ ca
tau no muñcatam aṃhasaḥ ||

4.38.7

yayo rathaḥ satyavartma rjuraśmir
mithuyā carantam abhiyāti dūṣayan |
staumi mitrāvaruṇā nāthito johavīmi
tau no muñcatam aṃhasaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0