Scripture Library

Paippalāda-Saṃhitā · Chapter 4.37

4.37.1

bhavāśarvau manve vāṃ tasya vittaṃ
yayor vāṃ viśvaṃ yad idaṃ vitiṣṭhate |
yāv īśāte asya dvipado yau catuṣpadas
tau no muñcatam aṃhasaḥ ||

4.37.2

yayor abhyadhva uta yad dūre cid
yau viditāv iṣubhṛtām asiṣṭhau |
bhavāśarvau bhavataṃ me syonau
tau no muñcatam aṃhasaḥ ||

4.37.3

yayor vadhān nāpapadyate kiṃ cana-
-antar deveṣūta mānuṣeṣu |
bhavāśarvau bhavataṃ me syonau
tau no muñcatam aṃhasaḥ ||

4.37.4

yāv ārebhāte bahu sākam ugrau
pra ced asrāṣṭram abhibhāṃ janeṣu |
bhavāśarvau bhavataṃ me syonau
tau no muñcatam aṃhasaḥ ||

4.37.5

sahasrākṣau vṛtrahaṇā huve vāṃ
dūrehetī svannemī ugrau |
bhavāśarvau bhavataṃ me syonau
tau no muñcatam aṃhasaḥ ||

4.37.6

yaḥ kṛtyākṛd yātudhāno mahālo
ni tasmin hatam adhi vajram ugrau |
bhavāśarvau bhavataṃ me syonau
tau no muñcatam aṃhasaḥ ||

4.37.7

adhi me brūtaṃ pṛtanāsūgrau
saṃ vajreṇa sṛjataṃ yaḥ kimīdī |
staumi bhavāśarvau nāthito johavīmi
tau no muñcatam aṃhasaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0